SAM 119:73 - Cho Bible Common Language 2016

⁷³ Nang naw na tüisho ne, phyawn vai ah na na shung ci; Hmuhmat nak na peä, cun ung na thukhän cu ka ng’thei thei khai.

SAM 119:73 Referans Kwoze

SAM 138:8

Nang naw na shaitak phung cu na bik khai; Bawipa, na m’hni nak cu ng’täi ci nei. Na bi mawng ah bi cu pyi phleh ne na bik khai nei.

JOB 31:15

Kei na tüisho ciah Khanpughi naw vah ka changshäm gui phi a tüisho gui ah kyak ci.

2 TIMOTHI 2:7

Kang thu pyein cu nangaih tüh kheng vai nei, cun ung Bawipa naw hmuhmat nak thei ning pak khai nei.

SAM 119:125

Kei cu na na changshäm nei; hmuhmat nak na yuk pe law ä, cun ung kei naw na m’theithang cu ka hmat khai.

SAM 111:10

Khanpughi kyih aa nak cu cüivai nak ah lam ah kyak ci; Ani ah thumkhän läk ciah chang phung-am gei ciah m’khoi cha nak cu pek ci. Ani cu angtäi sei m’taam nei.

JOB 32:8

Cun ung phi cun cu m’gäi ciah Khanpughi ah mumcha, cun cu law ne chang gui am cüivai nak pe gui ci,

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

SAM 119:34

Na thukhän cu kei am na m’thein ä, kei naw ka läk khai nei. Ka m’lung avan awn ka shüm khai nei.

SAM 100:3

Bawipa cu Khanpughi ah kyak ci, ciah hmuhmat vä. Ani naw na tüisho gui sei, ani ung mi om ci; mikmi cu ana chang gui, ana htome gui ah mi kyak ci.

JAMES 3:18

Dimdeeih nak bik ci gui naw dimdeeih nak ung ami geit ah, geit m’shi ah am theihpai cu nikiom nak ah kyak ci.

SAM 119:169

Bawipa, na na m’htei vai ah ka m’lau nak cu nang ah gawk sä! Na shaitak ah mäih ah hmuhmat nak cu na pe ä.

2 SHONTÄP NAK 2:12

Khankho la khomdek tüisho ciah Israel gui ah Bawipa Khanpughi cu m’hlüngtai vä! Ani naw David ghangpughang am cüivai ciah htapa cu pek ci nei, ani ung hmuhmat nak la m’khüt näng nak ak be ap ci nei, tuhbäi ani naw Bawipa ah Taigüim la amät ah mang im cu co khai ah pawng ci nei.

SAM 119:144

Na m’shüm thein nak cu angtäi sei taga ci, hmuhmat nak cu na yuk pe ä, kei ka ghing khai nei.

1 SHONTÄP NAK 22:12

Bawipa na Khanpughi naw akthuuk hmat nak la cüivai nak cu ning pe sä, cun ung nang naw Israel khaw cu ang thukhän ah mäih ah na uk khai.

SAM 95:6

Law vä, ama ah kawp ne mi khawihnah khai; Na tüisho gui ciah Bawipa ah ma ah mi m’khuukdong khai nei!