SAM 119:57 - Cho Bible Common Language 2016

⁵⁷ O Bawipa, nang cu kei ah ng’yak hlü avan ah na kyak ci; Na thukhän läk vai ah shai ka tak ci nei.

SAM 119:57 Referans Kwoze

NG’ÄI KYAH 3:24

Bawipa cu kei ung om ci avan ah kyak ci, Cun ah kyasei ani ung ka ngaih u nak ka tha ci.

SAM 16:5

Nang, Bawipa cu kei ung om ciah avan ah na kyak ci, ka ng’yak hlü avan phi na na pek ci; ma lam ka ghin nak cu nang ah kut ung om ci.

SAM 142:5

Bawipa, na tengkhen ci a u kä om ci nei. Na na m’htei vai ah ka kyap ci nei; Nang, Bawipa cu ka ning yii nak nei. Ka ghin yah ung ka ng’yak hlü avan cu, nang ah kyak ci nei.

JEREMIAH 10:16

Jakob ah Khanpughi cu cun gui ah mäih ah kä kyak ci; ani cu apäng tüipyang ciah tumat nei, ani naw Israel gui cu amät ah chang tu k’cang ah ghü gui ci, m’gäi ciah Bawipa cu ani ah ming nei.

SAM 73:26

Ka m’lung la ka pumsa cu cümbawng ci, cun ung phi Khanpughi cu ka ng’yak hlü avan ah kümbe nak ah kyak ci.

SAM 119:115

Shekak ciah chang gui a hei ah hteit vä. Kei cu ka Khanpughi ah thumkhän ka läk khai nei.

JOSHUA 24:21

Chang gui naw Joshua am, “Ka nei. Keimi naw Bawipa ah bii kami bik khai nei” cik ci gui.

JOSHUA 24:18

Kei shin ah khaw ung kami gawk law yah ung shin ung om ciah Amorit gui ami van cu Bawipa naw k’täm gui ci. Cun ah kyasei keimi phi Bawipa ah bii kami bik khai nei, ani cu kami Khanpughi nei” cik ci gui.

JOSHUA 24:15

Ani ah bii bi vai cu kä nami ng’yak hlü ah a kyak ung, a u ah bii bi vai cu tuhngawi nami phukpit vai. Mesopotamia ah nami pupa gui ah khawihnah man ah khanpughi gui ang? Tuhbäi nangmi naw nami om nak ah khaw mah gui, Amorit gui ah khanpughi gui ang? Kei la ka kyongchang läi naw Bawipa ah bii kami bik khai nei.”

SAM 119:106

Kei naw tuhbäi na m’shümthei läk vai ah akcang ah ka shaitak cu ka k’pang khai nei.

SAM 66:14

Ka geinvai yah ung, ka ning pek khai nei, cine ka pyen ah mäih ah ka ning pek khai nei.

THULÄÄN NAK 18:2

A hei pakhui gui ah mäih ah ngami cu a i khaw phi kä kaa na tuk ci gui, ngami ah chaw cu Bawipa ah shaitak ah mäih ah Bawipa ah taigü ah kyak nak ah kyak ci.

SAM 119:2

Yeikyai nak om ci gui cu a thumkhän läk ne, am lung kyong avan awn ani yum ci gui ah kyak ci.