SAM 119:53 - Cho Bible Common Language 2016

⁵³ Changshe gui naw n a thukhän ami gäi ka hmuh ung, kei cu ka m’lungshek ci nei.

SAM 119:53 Referans Kwoze

EZRA 9:3

Cun cu ng’ya neta ka sui gui k’teek ne ayä ne, ka lu mu la ka m’khamu k’bawt ne thüi aih ne ka ngok ci.

SAM 119:158

Kä bekhüt ci gui cu ka teng ung, ka m’lung cu m’neh awn be ci, a i kyasei ci ung ngami naw na thumkhän cu kä k’pang ci gui.

PHILIPPIAN 3:18

Shin ah a mawng cu kei naw akda vei ka pyein pyi ci nei, tuhbäi phi leng ba ne ka ng’plitui awn ka pyein ba khai nei: Bawi Khrit Jesuh kutlam tung ung asih nak ah mawng cu hnu ng’tuk püi ne ani ah gaa ah kya ne ghing ciah chang akda om ci nei.

JEREMIAH 13:17

Nangmi naw kä nami ngaih ah a kyak ung nangmi chang ah nami ng’shei ah phäh ah adüm ah ka kyap khai; Kei cu ak tung ah ka kyap khai, ka ng’phlitui cu long khai, a i ah kyasei ci ung Bawipa ah chang gui pha ne ami hteh püi gui ah phäh ah kyak ci.

EZRA 10:6

Cun kawn ah ani cu Taigüim ungka naw Eliashib ah hta Jehihanan ah om nak kyong ah hteit ne omktu chang gui ah kä bekhüt nak ah phäh ah mü lüng ne thüi kyap ci. Ani naw a i phi kä ei awk ci.

2 KORIN 12:21

Cän kawn ah nangmi ah kei ka law ba ung Khanpughi naw, nami ma ah, kei cu na lü ng’aa sak khai ni mä, yan ä sheka u netah tuh güt kä ng’yu ba u ne, m’gu plet ng’yaw ng’pawm düut ciah chang gui ah hmawk ah, kei cu ka ng’phli tui kya law ei bawk khai ni mä, cine kang ä ci nei.

HABAKKUK 3:16

A cun gui ng’ya neta kei cu ka ng’hlet ci; ka kyih su ah ka m’nei phi ng’haam ci, ka pumsa phi ng’yai ci. Ka mät ah kaa ah ka khaw ka m’thuih ci. Gawk lawk khai ah akhin cu kei naw düm ah ka ngäng khai, cun cu na ng’tuk püi gui ci cu Khanpughi naw am kyuk nak gui ah kyak khai.

DANIEL 4:19

Cun ung Daniela, Belteshazzar ah phi ami kh cu, cäicat aih neta a i phi kä pyen hlawt ne om ci. Ghangpughang naw ani am, “Belteshazzar aw, mang la mang ah mawng ung kä cäicat en ä” ci nak ci. Belteshazzar naw m’shang ne, “Mang la mang ah mawng cu nang ah phäh ah kä kya en ne na ga gui ah phäh ah a kyak vak ah kei naw ka ng’ya hlük ci nei.

SAM 119:136

Chang gui naw na thukhän kä ami läk ah hmawk ah tuinu ah mäih ah ka ng’phli li ci nei.

NEHEMIAH 13:25

Kei naw chang gui cu khü gui ne, plah tam gui ne, that gui ne, ami lu k’thut gui ne ka ci gui ci. Cun kawn ah ngami la ami hta nau gui cu api ah phi a khaw hei chang gui awn kä ami ng’chungla ba vai ah, Khanpughi ah angming awn ka ng’phyun sak gui ci.

SAM 89:30

“Cun ung ani ah hta ng’shon gui naw ka thumkhän kä läk u ne, ka thumkhän ah mäih ah kä ami ghin ah a kyak ung,

EZRA 9:14

Cun kawn ah a i hawkcha ah na thumkhän cu, kami hnu nak ba mä vai ang? A i hawkcha ah shin ah chang omshe gui awn kami ng’chungla vai ang? Cun ah kami kyak ba ung, nang cu ang htei ah m’lungshe neta, na na m’di gui yawp khai nei, a u phi kä na k’pawih nak khai nei.

NEHEMIAH 5:6

Cun ah chiu ami m’da cu ng’ya neta kei ka m’lungshek sei,