SAM 119:43 - Cho Bible Common Language 2016

⁴³ Ak phlüt ah ng’düng ciah ng’thu thei vai ah na ng’thu sak ä, a i ah sei ci ung ka ngaih u nak cu na ng’thumcha nak ung om ci.

SAM 119:43 Referans Kwoze

SAM 9:4

Nang naw ng’htei ne düng khai ah na m’khoi chak ci, kei täng ah na m’khoi chak ci.

1 PETER 2:23

Shedam nak ci phi kä shedam na tu ba ci, a geinvai yah ung phi, a u kä ng’vanglaak na ne, düng sei m’khoichak ciah Khanpughi ung, ang ngaih u nak cu ap ci.

EPHESIAN 1:13

Nangmi changpakhui hei gui cun phi, hun nak ah mawng, Thu Ni ah kyak ciah, düng ciah Thu cu ngai ng’ya tu u ne, Khanpughi ah chang ah nami kya lawk ci. Nangmi naw Bawi Khrit nami yum lawk ci, cun ah kyasei, Khanpughi naw a shaitaak ah mäih ah Mumcha Theing cu ning m’shumphyuk gui ne, amät ah chang ah ning tüi m’hnüt gui ci.

SAM 119:175

Ghin nak na pe ä, cun ung kei naw ka ning m’tam khai, Na m’shümthein nak gui naw kei cu na m’htei sä.

JAMES 1:18

Khanpughi naw amät ah ng’yak hlü ah, ang thudüng awn chang ghing ah nang dang sak gui ci, cun ah kyasei mikmi cu a tüisho gui nüng ung ak bä pi ah mi kyak ci.

SAM 119:52

Caupui na m’khoi cha nak cu kei naw ka shüm ci, a cun gui naw na shungvong ci nei, O Bawipa.

SAM 119:13

Nang naw na na pek ah na thukhän gui cu ang shawng ah ka pyen ba khai nei.

SAM 119:120

Nang ah hmawk ah kei ka kyik ci, na m’khoi m’cha nak ah hmawk ah kyih nak awn ka be ci.

SAM 50:16

Khanpughi naw changshe gui-am “A i ah kyasei ka thumkhän na täitawk vai ang? A i ah kyasei ka shaitak na pyen m’shet vai ang?

SAM 43:1

O Khanpughi, akni ah na dang sak ä, Khanpughi kä yum cicu hnu ng’tuk püi ne, kei ah mawng cu na shung ä. Hleeihlak ciah changshe gui ung nak phyawn ä.

SAM 9:16

Bawipa naw amät ah düng ciah am khoicha nak awn amät cu dang sak ci nei. Changshe gui cu ami mät ah shetkat nak ung ng’awk ci gui nei.

ISAIAH 59:21

Nangmi awn thum khän ka bik khai: kei naw ka huham la ka m’theithang gui cu khonglän ung nami ka vai ah ka ning pe gui ci, tuhbäi ung tün ne lawk ciah a khin avan ung, nangmi naw kei cu nami na läk vai, kei na ngai khai gui ah nami htanau gui la nami hta ng’shon gui nami m’thei thang gui vai.”

SAM 119:74

Nang ning m’tamkhah ci gui phung cu kei ami na hmuh ung yei khai na shaitak ung ka zumhtek ci.

SAM 119:81

Kei kä ka näng ba ci, Bawipa, na na hun vai ka ning ngäng ci nei; Na thu ung ka zumhtek nak ka ap ci nei.

SAM 119:114

Nang cu ka ng’yii nak la ka shung nak ah na kyak ci; na shaitak ung ka ngaih u om ci.

SAM 119:147

Hni kä a pyi law pha ung na na m’htei vai ah ka ning khü ci nei; Na shaitak ung ka ngaih u nak cu ka tha ci nei.