SAM 119:4 - Cho Bible Common Language 2016

⁴ Bawipa, nang naw na thukhän cu na na pe gui ci, bekhüt ne kami läk vai ah na nam thein gui ci.

SAM 119:4 Referans Kwoze

1 JOHAN 5:3

Khanpughi m’hni nak cicu ang thu khän läk nak ah kyak ci. Ang thu khän läk cu mikmi ah phäh ah phuih gih ah kä kyak ci.

JOHAN 14:21

“Ka thukhän dou ne läk ciah chang cu kei nam hni ciah kyak ci. Kei nam hni cicu Kapa naw m’hni ci, kei naw phi ani cu m’hni ne, ani ung ka mät kang dang khai” cik ci.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

JEREMIAH 7:23

Cun ung phi ka ng’thu ami ngaih vai ah ka thumkhän gui ci, cun ah kyasei kei cu ngami ah Khanpughi ah ka kyak ci, ngami cu kei ah chang ah kyak khai gui. Kei naw kei ah ka thumkhän ah mäih ah ami om vai ah ja pyen ah gui ci, cun un apäng avan cu akni ah kyak khai.

JOHAN 14:15

“Kei nami nam hni ung ka thukhän cu nami läk khai.

THULÄÄN NAK 12:32

“Ka ning thumkhän gui phung cu nami bi vai. Api awn phi kä nami m’khah vai, api phi kä nami lak vai.

JOSHUA 1:7

Na khüighat vai, na thamah vai, ka changshäm Moses naw a ning pek gui ah thukhän avan ng’htei khai ah na läk vai. Cun ungka api phi kä na nawng vai, cun ung na hteh nak päng ah na näng khai.

THULÄÄN NAK 30:16

Tuhngawi kei naw ka ning pek gui ah Bawipa nami Khanpughi ah thumkhän gui cu nami läk ah a kyak ung, ani nami m’hni ah a kyak ung, nami läk ah a kyak ung, ang thukhän avan nami k’pan ah a kyak ung, nangmi cu bühmang u ne, chang akda ah changpakhui ah nami kyak khai. Nangmi naw nami khäm law vai ah khaw ung Bawipa nami Khanpughi naw hriham ning pe gui khai.

THULÄÄN NAK 11:22

“Kei naw ka ning pek gui thukhän avan cu bekhüt ne nami läk vai. Bawipa nami Khanpughi cu nami m’hni vai, ang thumkhän nami bi vai. Ani ung nami bekhüt vai.

THULÄÄN NAK 6:17

Ani ah ning pek gui ah thumkhän gui avan nami läk ciah ng’kheing ne nami om vai.

THULÄÄN NAK 4:1

Moses naw chang gui pyen na gui ci, “Kei naw ka ning m’thien gui ah thukhän avan nami läk vai. Cun ung nangmi ghing u ne, Bawipa nami pupa gui naw a ning pek gui ah khaw cu nami khäm khai.

THULÄÄN NAK 11:13

“Cun ah kyasei tuhngawi kei naw ka ning pek gui ah thumkhän gui cu nami läk vai, Bawipa nami Khanpughi cu m’hni ne nami lung kyong avan awn abii nami bi vai.

THULÄÄN NAK 4:9

Geing na ne nami om vai. Nami mik awn nami hmuh cu nami ghin nak chuih kä nami hnih vai ah htei khai ah nami bi vai. Nami hta gui la nami tu gui am nami m’thein gui vai.

PHYAWN NAK 7:6

Moses la Aaron naw, Bawipa naw am cäi goi ah mäih ah bik ci goi.

THULÄÄN NAK 6:3

Shin cungai vä, Israel chang gui, Läk vä, avan nangmi ung ni ne bä khai nei. Nangmi cu m’gäi ciah pakhui ah nam kya lawk khai. Bawipa mi pupa gui ah Khanpughi ah shaitak ah mäih ah nangmi cu bühmang ne anglei nik ciah khaw ung nami om khai.

EZRA 7:21

“Kei naw Euphratis akhei täng khopäng ung ngui m’kümbawi gui ami van am ka thumkhän gui ci, Taigü ah kya ne, khankho Khanpughi ah ang thukhän ung cüvai chang ah kyak ciah Ezra naw ak thäh phung cu aktung ah nami pek vai nei.

EZEKIEL 20:19

Kei cu Bawipa nami na Khanpughi nei. Kei ah ka thukhän gui la ka thumkhän gui cu läk vä.