SAM 119:154 - Cho Bible Common Language 2016

¹⁵⁴ Ka mawngma cu na shung pe ne na m’hlawt ä, Na shaitak ah mäih ah na hun ä.

SAM 119:154 Referans Kwoze

MIKHAH 7:9

Bawipa hnu na ne mi cheishoh ci, cun ah kyasei am lungshe nak ung a shäng mi yai khai. Cun ung ak hnu ah ani naw na shungvong gui ne, hma cicu hman sak khai, cun cu mikmi ah khan ah ami bi ah kyak ci. Ani naw akdei ung na hteh püi gui sei, mikmi ghing ne ana hun nak gui cu mi hmuk khai.

JEREMIAH 50:34

Cun ung phi ngami gung gui ciah tumat cu k’thamah ci-ani ah m’ung cu m’gäi ciah Bawipa ah kyak ci. Ngami ah hmawk cu ani naw bi ne. Khomdek khan ung dimdeeih nak law püi khai, cun ung phi Babilonia chang gui ah khan ah khüikha nak law püi khai.”

SAM 35:1

O Bawipa, na hnu ng’tuk püi ci gui cu, hnu ng’tuk püi ä, Na ng’tuk püi ci gui cu ng’tuk püi gui ä!

1 SAMUEL 24:15

Bawipa naw m’khoi m’chak khai, a u chang mi hma ciah ani naw m’hnüt bäi khai. Ani naw a mawng cu teng khai, nang ah kut ung kei na shungvong ne, na hun ci,” cik ci.

JEREMIAH 11:20

Cun kawn ah kei ah taigü ci, “m’gäi ciah Bawipa, nang ci taga ciah suki ah na kyak ci; nang naw chang gui ah ngaih-tüh la ami m’lung ngaih gui cu na m’nüm ci. Kei ah ka mawngma gui cu nang ah kut ung ka tha ci nei; cun ah kyasei shin ah chang gui ah khan ah phu na tuk cu na hmuh sak ä.”

SAM 119:40

Na thumkhän gui cu ka läk hlük ci nei; Ghin nak akthai na pe ä, nang cu na ng’düng ci nei.

SAM 119:25

Kei cu m’vut khui ung di ne ka ng’zän ci nei; na shaitak ah mäih ah na m’tho vä.

1 JOHAN 2:1

Ka hta nau gui awi, nangmi kä nami cheishoh vai ah shin ah ca ka ning guk law gui ci nei. Cun ung phi chang tumat mat cu a cheishoh law ah a kyak ung mikmi ah hmawk ah nang paa pe gui khai, düng ciah Bawi tumat om ci nei, cun cu Bawi Jesuh Khrit ah kyak ci.

JEREMIAH 51:36

Cun ah kyasei Bawipa naw Jerusalem chang gui a pyen nak gui cu, “kei naw nangmi ah mawngma cu la u ne, nangmi ah khan ah ami bi ah mäih ah nami ga gui ah khan ah ka bik khai. Kei naw Babilonia ah tui khawng cu kawi sak ne, a tuinu gui ka ket sak khai.

NG'THU K'THUUK~ 22:23

Bawipa naw ngami ah mawng ma cu pyen pe gui khai. Ngami m’kyihkyawk gui ciah ghin nak cu m’kyihkyawk khai.

SAM 43:1

O Khanpughi, akni ah na dang sak ä, Khanpughi kä yum cicu hnu ng’tuk püi ne, kei ah mawng cu na shung ä. Hleeihlak ciah changshe gui ung nak phyawn ä.

JOB 5:8

Kei cu nang ah ka kyak vaisü ung, Khanpughi ah ng’hlat ne, ka mawngma cu ka pek khai süte.

1 SAMUEL 24:16

David naw thu pyen yawp khäta, Saul naw “Ka hta, nang David akcang ma?” ci neta ani cu kyap ci.

SAM 35:23

O Bawipa, tho law ne kei cu na shung ä; ka Khanpughi, ng’düi law ne, kei ah ka mawng cu na m’htei pe ä.

SAM 119:38

Na changshäm kei ung — na shaitak cu m’khän ä, cun cu ning ngai ci gui am na shaitak ah kyak ci.