SAM 119:1 - Cho Bible Common Language 2016

¹ Yeikyai nak om ci gui cu a ghing nak ung cheishoh nak kä om sei, Bawipa ah thukhän ung ghing ci gui ah kyak ci.

SAM 119:1 Referans Kwoze

LUKA 11:28

Cun ung phi Bawipa Jesuh naw, “Khanpughi ah ng’thu ngai ne läk ciah khan ah yeikyai nak om sä, ci ung ni pi khai nei” cik ci.

EZEKIEL 11:20

Cun ung ngami naw kei ah thukhän gui cu k’paang u ne, kei ah thumkhän gui avan cu bekhüt ne läk khai gui. Ngami cu kei ah Chang ah kyak khai gui, kei cu ngami ah khanpughi ah ka kyak khai.

JAMES 1:25

Cun ung phi chang gui phiawn sak gui ne, kümbe ciah thukhän cu tengkhen ne ngaiyak ciah chang cu, ngai tu netah m’hnih ba düt ciah kä kya ne, akcang ah mang thei ciah kiasei; cun ah chang cu a bilawh nak päng ung Khanpughi naw m’shumphyuk khai nei.

SAM 128:1

Bawipa cu kyih aa ne, a ng’thumkhän ung ghing ciah chang gui cu, yeikyai nak om ci.

JOHAN 13:17

Tuhbäi nangmi naw ng’thu düng nami hmat pyi ci, acun ah mäih ah nami om ung, nangmi ung yeikyai na om khai.”

LUKA 1:6

Ngani cu Khanpughi ah ng’yak hlü ah om ni ne, Bawipa ah thukhän shaitaak cun phi läk ci goi.

SAM 112:1

Bawipa cu m’taam nei! Bawipa kyih aa ne, ang thumkhän läk ne, lünlawi ciah chang cu yeikyai ci nei.

NG'THU K'THUUK~ 11:20

Akshe ah m’lung ngai ciah chang cu Bawipa naw thüi nak ci, Cun ung phi a hman bik cicu m’hni ci.

LAMKTU 24:16

Cun ah kyasei kei cu Khanpughi ah ma, chang ah ma ah, kam lung kyong theing cim khai ah angtäi sei ka k’tha nak ci.

SAM 101:2

Kei ah ka hnün thawh cu kä chei khai nei. A i yah ung kei ah na lawk khai aw? Kei cu ka mät ah im ah ang cim ah ka om khai,

HOSEA 14:9

Shin ung guk cu cüvai ciah chang gui naw hmuhmat u sä, Ami m’lung kyong ung tha u sä. Bawipa ah lam cu düng sä, Düng ciah chang gui naw acun gui läk ne ghing ci gui. Cun ung phi kat nak bik ciah chang gui cu ng’vawn ne kyuk ci gui. A i ah kyasei ci ung cun gui cu a i ah kä ami sui ah phäh ah kyak ci.

THU PHLAAN 22:14

Ami suisak theing khai ah m’suk ci gui cu yeikyai nak om ci, ngami cu ghin nak ah sing ah m’theih ei nak hning la mang gaw ah m’kawt ung luh nak hning cu gah khai gui.

SAM 101:6

Khanpughi ah bekhüt ci gui cu kei naw ka dou gui khai, ka mang im ung ka om sak gui khai. Akbe ah düng ciah chang naw kya ah khuut bik khai.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

JOHAN 1:47

Bawipa Jesuh naw Nahtanelah a law hmu netah, “Ani cu, Israel chang akcang ah kyak ci nei, ani ung hleeihlak nak kä om ci nei” cik ci.

JOB 1:8

Bawipa naw, “Ka changshäm Joba cu na hmat man ne ang? Ani ah mäih ah bekhüt ne akni ah om ciah chang khomdek khan ung, tumat phi kä om ci nei. Ani naw kei na khawihnah ne akshe kä a bi vai ah geing nak ci nei” cik ci.

JOB 1:1

Uz khaw ung Joba ming nak ciah chang tumat om ci. Ani cu Khanpughi khawihnah ne akni ung bekhüt ci. Ani cu chang niah kyak ci. Akshe kä a bi vai ah geing nak ci.

2 GHANGPUGHANG GUI 20:3

“Bawipa, na shüm ä, kei cu bekhüt ne htingling ne nang ah bi ka bik ci nei. Nang naw ka bi vai ah na ng’yak hlü cu angtäi sei k’tha na ne ka bik ci nei,” ci neta ani cu aktä ah kyap ci.

NG'THU K'THUUK~ 13:6

Düng nak naw ni nak cu shungvong ci. Shetkat nak cu shekak ci gui ah yung kyak nak ah kyak ci.

2 SAMUEL 22:22

Kei naw Bawipa ah thukhän ka läk ci; Khanpughi kä ka ng’hlah tak ci.

NG'THU K'THUUK~ 29:18

Khanpughi ah lam shüm nak kä om ciah khochang cu kä ng’käkhtäng ciah khochang ah kyak ci. Khanpughi ah thukhän k’pang ciah chang cu yeikyai nak om ci.