Biblia Todo Logo
Bib sou entènèt

- Piblisite -




SAM 118:27 - Cho Bible Common Language 2016

27 Bawipa cu Khanpughi nei; Ani cu mikmi ah khan ah ni aih ci nei. Nami kut ung sing ban gui kawt ne, pawi cu tün vä, sonkiang cu veing ne hteit vä.

Gade chapit la Kopi




SAM 118:27
17 Referans Kwoze  

Bawipa Jesuh naw, Pharise gui-am,” Kei cu khomdek khan ah akdei ah ka kyak ci, kei ah hnu ah na läk ciah chang cu ghin nak akdei gah khai, a i yah ung phi kho hmüp khui ung kä hteit ba khai”, cik ci.


O Bawipa, nang naw akdei na na pek ci, Ka hmüp nak cu na dei sak ci.


Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.


Tho ä, Jerusalem, khohni ah mäih ah khang ä; Bawipa ah bämang nak cu na khan ah ng’shü ci nei!


Hmüpkhui ung hteit hton ciah chang gui naw dämduh ciah akdei hmuk ci gui nei. Ngami cu sihnak ah shung ah khaw ung ami om man ung phi, Tuhbäi akdei cu ami khan ah ng’shü ci nei.


Jew chang gui cu yeikyai u ne, tholet u ne, lünlawi ne näng m’khüt nak om ci gui.


ani naw na düng nak cu hni lung lai ah mäih ah ning khang sak khai nei.


Cun cu chang gui naw hmu u neta, m’dek ung ng’yän neta ami pyen cu, “Bawipa cu Khanpughi nei, Bawipa bäng nei Khanpughi!”


Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.


Elijah naw chang gui ah pei ah hteit neta a pyen cu, “Nangmi ah m’lung kyong pyan nak vai cu a i güt lüng khai ang? Bawipa cu Khanpughi ah a kyak ung khawihnah vä; Baala cu khanpughi ah a kyak ung khawihnah vä!” Cun ung phi chang gui cu m’kha ät ah phi kä ng’htau ci gui.


Akit phli ah akhan ah a lawi gui phi pyang ci. Cun gui cu sonkiang awn ng’däih yawp ci. Ani naw cun gui avan cu kyei awn vook ci.


Akit phli ah khan ung a mawng ah alawi gui pyan vai. Cun gui cu sonkiang awn tumat ah ng’däih khai, cun gui avan cu ngui awn vook vai.


Cun ah kyasei mikmi naw Bawipa Jesuh cu, Bawipa nei ciah ng’kiaa nak ah m’gawng awn, ani ah ming ung mi m’kümto nak cu ang täi sei Khanpughi am mi ap khai nei.


A ngawi ung khawihnah nak ah seime ngawn u ne, Bawipa am vawihpeh u ne, chang gui am phi cun gui cu ami ei vai ah pe gui ci gui. Cun khaw ah vantang phia gha, htome m’ca phia gha, htome hta phia gha, cun gui cu avan sonkiang ah khan ah khawihnah ne m’khih ci gui. Ngami naw douthak nak ah sapyit tui phi law püi ci gui.


Bawipa hnu na ne mi cheishoh ci, cun ah kyasei am lungshe nak ung a shäng mi yai khai. Cun ung ak hnu ah ani naw na shungvong gui ne, hma cicu hman sak khai, cun cu mikmi ah khan ah ami bi ah kyak ci. Ani naw akdei ung na hteh püi gui sei, mikmi ghing ne ana hun nak gui cu mi hmuk khai.


Swiv nou:

Piblisite


Piblisite