SAM 115:2 - Cho Bible Common Language 2016

² A i ah kyasei chang pakhui gui naw, “Nami Khanpughi a hawi ang?” cine ami na ng’shi gui ang?

SAM 115:2 Referans Kwoze

SAM 42:3

Ka gaa gui naw ak phlüt ah, “Na Khanpughi a hawi ang?” ci u sei, amü ak hnüüp kyap ne ng’phli tui kamü ngawi ei nak ci nei.

SAM 79:10

A i ah kyasei changpakhui gui naw, “Nami Khanpughi a hawi ang?” cine ami na ng’shi gui ang. Na changshäm gui ah si ami huk ah phäh ah changpakhui gui na m’kyuk gui cu, na hmuh sak gui ä.

SAM 42:10

Ngami ah shedam nak awn kei cu ka ng’deng ci nei, ngami naw pang ne na ng’shi u ne, “Na Khanpughi hawi ang?” cik ci gui.

PHYAWN NAK 32:12

Na chang gui cu Egypt khaw ah ka k’plawk ba gui ne, k’pawng ne khomhtung ah na ngawn gui, pyi khai ah na m’di gui ciah, a i ah kyasei Egypt chang gui naw ami pyen vai ang? Na m’lungshe cu ng’düm sak ä. Na m’lung thawng sak ä, na chang gui ah khan ah shin ah leigai cu kä chah en ä.

JOEL 2:17

Taigü gui naw Bawipa ah bii bi u sä sonkyang la Taigüim ung luhnak ah ang lak ung, thüikyap ne taigü u sä. “Bawipa na chang gui dük gui ä. Chang khui hei gui naw, ‘Nami Khanpughi a hawi ang?’ ” cine kä na päipih gaih m’gin en gui u sä.

SAM 42:4

Yan ä ka gui ka shüm ba ung ka m’lung so ci nei, Kei cu chang hli awn atäng ah Khanpughi ah im ah ka hteh yah ung, ami m’hni ah hteh sak gui yeikyai ciah chang hli naw ng’äi m’cu ne, m’lau ne, Khanpughi m’tam ci gui nei.

SAM 42:11

A i ah kyasei kei cu ka thüi aih ang? A i ah kyasei kei cu ka khüikha aih ang? Khanpughi ka ngaih u khai nei, ka Hunbawi la ka Khanpughi cu ka m’taam ba mä khai nei.