SAM 114:8 - Cho Bible Common Language 2016

⁸ Ani naw lung k’song cu tui shawk ah kyak sak ne, k’tou lung cu tui htalawng ah kyak sak ci.

SAM 114:8 Referans Kwoze

SAM 107:35

Ani naw khoshe kho cu tui gei kho ah thawng sak ne, kho ng’gau kho ung tui ng’züi sak ci.

THULÄÄN NAK 8:15

Am äm mah k’phyu la m’khaw gui ah om nak ng’shawng ne kyih vai kyak ciah bung gui phi ning kaan sak gui ci. Cun ah chawng ne tui kä om ciah khaw ung, ani naw nangmi ah hmawk ah lungliu ungka tui luh law sak ci.

KHEI NAK 20:11

Cun kawn ah Moses naw shawpawng cu m’tho ne, hnih vei that sei, tuinu lawng ah lut law ne long ci, chang gui la seime gui ami van naw awk ci gui.

SAM 105:41

Ani naw lung song cu k’hmawng sei, tui lut law ne, kho ng’gau khaw ah tuinu ah mäih ah long ci.

PHYAWN NAK 17:6

Sinai m’htung naw lungsheng khan ah ma ah ka ng’düi khai nei, cun ah lung cu na thah ung, tui lut lawk khai, chang gui naw awk khai gui” cik ci. Moses naw Israel ang vai gui ah ma ah a cun ah bik ci.

1 KORIN 10:4

Ngahmi cu, ngami awn a täng ah hteittuk ciah mümcha lungnu ung kaa tui cu awk ci gui; Cun ah Lungnu cu Bawi Khrih amät ah kyak ci.

NEHEMIAH 9:15

“Ei ami cawi ung khankho ah ka m’htut na pe gui ci, Tui ami gha ung lungnu ungka tui na pe gui ci. Nang naw na pek gui vai ah shai na tak khaw cu ami khäm vai ah nang naw na pyen na gui ci.