SAM 113:5 - Cho Bible Common Language 2016

⁵ Mi Khanpughi, Bawipa ah mäih ah a u kä om ci. Ani cu a hlüngtai gui ah khan ah om ci,

SAM 113:5 Referans Kwoze

SAM 89:6

Bawipa, khankho ah nang ah mäih tumat phi kä om ci; Nang awn täng ciah khankho chang a u kä om ci.

JEREMIAH 10:6

Bawipa, nang ah mäih a u phi kä om ci; nang cu na m’gäi ci, nang ah ming cu dämduh ne huham mah ci.

ISAIAH 40:25

Theingcim ciah khanpughi cu a u awn m’täng hning vai aw? Ani awn täng ci a u baw om ne ang?

THULÄÄN NAK 33:26

Israel chang gui, nangmi ah Khanpughi ah mäih ah a i khanpughi phi kä om ci. Aktung khak ng’cuum ne khomik kaan ci, Khongmei ung cuum ne nang ning bawm khai ah lawk ci.

PHYAWN NAK 15:11

Bawipa, khanpughi gui ah ng’lung ah nang ah mäih om ne ang? Cäicat vai ah theingciim ci nang ah mäih om ne ang? Nang ah mäih ah cäi aih vai bi ne m’gäi ne hnüntho ci om ne ang?

SAM 89:8

M’gäi ciah Bawipa Khanpughi, nang ah mäih ah m’gäi ci a u kä om ci nei. O Bawipa, a mawng avan ung nang cu na bekhüt ci nei.

ISAIAH 40:18

Khanpughi cu a u awn m’täng vai ang? Ani a i ah mäih lawk ci, ci cu, a i cha ah m’dang vai ang?

SAM 35:10

Ka m’lung kyong avan awn Bawipa ma ah ng’thu ka pyen vai cu, “Nang awn täng ci a u kä om ci. Nget ciah kut ungka ak ghawi na shung ci, m’gäi ciah kut ungka ak pyam na hun ci.”

ISAIAH 16:5

Cun kawn ah David ah hta ng’shon ungka tumat cu ghangpughang ah kya lawk khai, ani naw chang gui cu bekhüt nak la m’hni nak awn uk gui khai. Ani naw hman cicu ang ghit ah bik khai nei, ani naw taga ciah bi cu teng khai nei.)

SAM 103:19

Bawipa naw a mang kiang cu khankho ah k’süm ci; Ani cu avan ah khan ah ghangpughang ah kyak ci.

SAM 11:4

Bawipa cu a pum im theing ung om ci; Khankho ah amang kyang om ci. Ani naw chang gui ah om nak phung cu teng ne, ami bi law nü cu hmat ci.

SAM 89:7

Theingcim ci gui ah kongsi ung nang cu kyih aa vai ah na kyak ci, ngami ami van ah ka ah ng’düi ci gui.

SAM 89:9

Nang naw huham mah ciah tuinu na uk ci; am lungshe nak ah tui ng’hnawk phi na ng’düm sak ci.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.