SAM 112:7 - Cho Bible Common Language 2016

⁷ Ani cu thushe ang yak ung phi kä kyih ci; a yum nak cu khüighat ci, Bawipa ung ng’ap ciah kyak ci.

SAM 112:7 Referans Kwoze

SAM 57:7

O Khanpughi, kei cu akbe ah ka citheing ci nei, kei naw ng’äi m’cu ne ka ning m’taam khai!

NG'THU K'THUUK~ 1:33

Cun ung phi kei na ngai ciah chang cu am lung üp khai. Anii cu phyawng khai kyih vai ah mawng kä om khai.

SAM 118:6

Bawipa cu kei awn om ci, kei cu kä ka kyik khai; kei ah khan ah a u naw a i bi hlawt khai ang?

JOHAN 14:1

Bawipa Jesuh naw, “Nangmi kä ng’ä ai vä, Khanpughi yum vä, kei phi na yum vä.

SAM 64:10

Bawipa ah bi lawh ah hmawk ah ng’düng ciah chang gui cu yei khai gui. Ngami naw ani ung phyawn nak hmuk khai gui; changnigui ami van naw m’taam khai gui.

SAM 34:4

Bawipa ah taigü ngä sei, ani naw nam shang ci; ka kyihkyawk nak gui ung na m’hlawt ci.

DANIEL 3:16

Shadrak, Meshak la Abedneko ni naw m’shang u ne, ghangpughang aw, keimi kami mät naw kami mät kä kami shungvong khai nei.

SAM 62:8

Ka chang gui, ang täi sei, Khanpughi ngaih u vä. Nami khüikha nak avan m’thein vä, Ani cu mi ng’yii nak ah kyak ci.

LAMKTU 27:25

Cun ah kyasei kä nami kyihkyawk vai, kei cu Khanpughi ka yum ci, cun ah kyasei, kei ah ma ah khankho chang naw a pyein ah mäih ah kya lawk khai, ciah ka yum ci nei.

LUKA 21:9

Acun gui ah hnu ah kä nami läk-en vai nei. Ng’tuk-ah ah mawng la ng’küükneet nak ah mawng nami ng’yak ung kä nami kyihkyawk en vai. Acun gui cu akhtük ung gawk law ma khai, cun ung phi kho ang pyi nak vai ah a khin kä gawk law phak ci nei” cik ci.

LUKA 21:19

Akhäng htek ah nami ng’düih vai, cun ung hun phiawn nak nami gah khai.

LAMKTU 21:13

Cun ung phi Paul naw, “A i ah kyasei nang mi kyap lau u ne, kam lung nami na thüi sei sak ang? Kei cu Bawipa Jesuh ah hmawk ah, Jerusalem ung pha ne khih nak bäng ah kä kaak ciah, sih nak vai ah phi ka ng’düi ge ci nei” cine pyen na gui ci.

LAMKTU 20:24

Kei cu ka hnun gui ah kä ka ng’vang ci, a nam hnüt peit ah bi la, Bawipa Jesuh ah na peit ah bi, pyi ne bi vai cu ak tung ah kia sei, Khanpughi ah m’gein nak mawng Thu Ni cu hteit shüi ne pyein vai bäng ah kya ci.

JOB 11:15

Cun kawn ah khüighat thamah ne khomdek khan cu ma na ba.

SAM 49:6

Cun gui cu a büh-mang nak ngaih u ciah changshe gui la, khawh mah ne längtang ci kyak ci.