SAM 110:6 - Cho Bible Common Language 2016

⁶ Ani naw pakhui gui cu m’khoi m’cha gui khai, ng’tuk nak ah hmun cu gook awn be sak khai; m’dekhan avan ung ghangpughang gui cu hnim gui khai.

SAM 110:6 Referans Kwoze

SAM 68:21

Cheishoh nak ung khäng ne hteit ciah a gaa gui ah lu cu Khanpughi naw cheiuh khai.

THU PHLAAN 19:11

Cun kawn ah khankho m’kawt ng’hmawng sei ka hmuk ci. Cun ung ng’se bawk tumat om ci. Cun ah ng’se bawk ung ng’cum ci cu bekhüt la ng’düng nak ming nak ci. Ani cu ng’düng khai ah ng’thu m’chaa ne, ng’düng khai ah ng’tuk bik ci.

JOHAN 5:22

Apa naw a u phi kä m’khoi m’chak ci. Cun ung phi a Htapa-am düng sei m’khoichaa nak nüng cu pek ci.

MIKHAH 4:3

Ani naw pakhui gui ah ng’lung ah ng’cuhcan nak m’düih khai, aksho ang et m’gäi ciah huham ah ng’lung ah. Ngami naw ami khim cu k’tuu ah shep u ne, ami htei cu ng’vin ah shep khai gui. Pakhui gui ng’tuk nak kä om ba khai, ga vai ah kä pawng htein ba vai.

ISAIAH 2:4

Chang pakhui küi kyang gui ah ng’cuh can gui cu ani naw m’khoi chak khai, ngami naw ami khüm cu lai thawn nak vai ah kawt u ne, ami k’htei cu sangsawn ah kyak sak khai gui. Chaung pakhui gui cu ng’tuk nak ah kä hteit ba khai gui. Ng’tuk vai ah kä pawng ba khai gui.

THU PHLAAN 14:20

Sapyit cu manggaw ah akpung ah neen u sei, neen nak ah khui ungka si ng’hlui lut law ne long ci. Cun ah si cu mäng phiaa goi ung long ne, dawng hmaa ah thuuk ci.

ISAIAH 42:4

Ani ung ngaih u nak la thamah nak kä maih khai; Ani naw khomdek khan ung taga nak cu khänhtek sak khai. Akhoshou nak ah ka gui naw ani ah m’theithang nak cu ng’ya hlü leng ne ngäng khai gui.”

HABAKKUK 3:13

Na chang gui na hun gui khai ah na hteit ci, na ghü ah ghangpughang phi na hun khai, changshe gui ah ami ng’vai gui cu nang naw hniim ne, ani läk ci gui cu na m’di yawp ci.

EZEKIEL 39:4

Kok la a gakap gui, la ang khawt püi gui cu Israel khomhtung khan ah kyi ne sik khai gui, ngami ah pumsa gui cu kha gui avan la khisa gui ah ami ei vai ah kyak khai.

ISAIAH 66:24

Ngami ami hteh ba ung, kei na hnungtuk küknet püi ci gui ah ami gook gui cu hmuk khai gui. Cungui ei ciah m’kyiit gui cu kä ci phung khai gui, cun gui ui ciah mei phi kä phät phung khai. A cun gui hmuk ciah hnicim chang avan cu shemshai gui khai. Prophet Isaih ah caa gui ng’pyi ci.

ISAIAH 51:5

Kei naw ang ghit ah law ne ka hun gui khai; kei ah näng nak vai ah akhin cu ng’et ci nei. Kei ka mät naw chang pakhui gai ka uk gui khai. Ashou nak khaw ah ka gui naw ka law vai cuna äih ci gui nei. Ngami naw ka hun gui khai ah ngaih u nak awn na äih ci gui nei.

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

ISAIAH 11:3

Ani ngaih nak awn yeikyai nak gah khai. Ani naw a hmuh düt ang yak düt awn kä m’khoi m’cha khai.

1 SAMUEL 2:10

Bawipa ah gaa gui cu dishum khai gui; Ani naw khan ah ka naw hmun kyeek awn hnu ng’tuk püi gui khai. Bawipa naw khaw ng’lei avan m’khoi chak khai; ani naw a ghangpughang huham pek khai, ani naw a ghü ah ghangpughang cu näng m’khüt sak khai.”

ATÜNNAK 3:15

Hnumi la nang, hnumi ah ng’shon la nang ah ng’shon cu gaa ah nami kyak khai ah ka bik khai. Ani naw nang ah lu cu ning deeng khai, nang naw ani ah khawlek cu na m’yawk khai” cine pyen nak ci.

SAM 68:22

Bawipa naw, “Kei naw Bashan ah ka nami gaa gui cu ka law püi ba gui khai; Tuinu li thuk ungka ngami cu ka khui ba gui khai,