SAM 110:3 - Cho Bible Common Language 2016

³ Na ga gui na tuk gui hnüüp na chang gui naw ning düih püi khai gui. Khongawi k’siik ung khüi toi ah mäih ah, khom’htung theing ung na chang nong gui naw ning law nak khai gui.

SAM 110:3 Referans Kwoze

SUKI GUI 5:2

Bawipa cu m’hlüngtai vä! Israel gui naw ng’tuk bi vai ah m’gäi ci gui nei; chang gui yei ne ami mät ah ngaih ah ng’düitho ci gui nei.

HEBRU 13:21

Nangmi naw dimdeeih nak ah Bawi, Khanpughi ah ang yak hlü nami läk nak hning vai ah, nik ci phung avan ning m’shumphyuk gui sä. Bawipa naw a mät ah ng’yak hlü ah mäih ah mikmi cu, Bawipa Jesuh Khrit awn na piangtham gui sä. Bawi Khrit cu Ngawiyä ang’täi sei Bawi mang ne om sä, Amen.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

1 THESSALONIAN 4:7

Khanpughi naw m’gukplet humhlam vai ah a na khü gui ah kä kiak ci, ak theingcim ah om vai ah ana khü gui ah kyak ci.

EPHESIAN 1:4

Khanpughi naw khomdek kä a tüi pyan pha ge ung, mikmi cu Bawi Khrit ung kawng ät nak awn, a ma ah shetkat nak kä om sei theingcim ciah mi kyak vai ah a na ghü gui pyi ah kyak ci.

THU PHLAAN 7:9

Cun kawn ah teng ba netah a u naw kä ak khei yawp hlawt vai ah maw ng’nään khli ng’peeih cu ka hmuk ci. Ngami cu akhui päng, apa päng, a khaw päng, ak chang päng ungka lawk ci gui ah kiak ci. Ngami cu suinu a bawk bäng bäng sui u ne, hliip ah ng’baan kawt sek sek u ne, mangkiaang la Htomehta ah maa ah ng’düi ci gui.

2 KORIN 13:4

Bawipa cu kutlam tung ung ami ngawn yah ung ak tha ken ciah mäih ah a kyak ung phi, tuhbäi Khanpughi ah hlüngtai nak awn ghing ne om ci nei. Ani ung mi kawng ät nak ung mikmi phi mik tha ken te ci; cun ung phi, Khanpughi ah hlüngtai nak awn, Bawi Khrit ung a täng ah ghing ne, nangmi awn mi ng’hmu teng khai nei.

2 KORIN 8:16

Keimi naw kami ning m’hteihtang gui hlü ah mäih ah Titus cu kyak sak ciah Khanpughi cu m’hlünttai nei.

2 KORIN 8:12

Nangmi naw na mi peit hlü cang ah a kyak ung Khanpughi naw, yum nakcang awn nami peit cu ning dou pe gui khai, nangmi ah kä peit nak hning cu Khanpughi naw kä ning k’thäh gui khai.

LAMKTU 21:20

Ngami naw Paul ah m’thein tu gui cu ng’ya u netah Khanpughi cu m’hlüngtai ci gui. Cun kawn ah Paul am, “Kami nau Paul aw, Judah chang gui ung kaa, tämkäk phia khak naw Bawipa Jesuh cu yum law u ne, ngami naw thu khän läk vai ah a i hlawk ah ami ng’yaak hlü cu na hmat pyi ah kya ci nei.

SAM 96:9

Theing cim cicu ang dang law ung ama ah kawp yawp vä; m’dek khan avan ama ah ng’hlet ne kyi vä!

PHILIPPIAN 2:13

A i ah kya sei ci ung Khanpughi naw ang yak hlü ah nami bi vai la ng’thu nami läk nak hning vai ah nang mi ung angtäi sei bi bik ci.

LAMKTU 2:41

Chang ak da naw a ni ah ng’thu yum u neh tui ng’hnim u seih cun ah hnüüp ung chang sing phia thum kip lawh law neh da lawk ci gui.

LAMKTU 2:33

Ani cu Apa Khanpughi ah ak pat lam ah ngawk khai ah tho ba neh, Khanpughi ah shaitak ah Mumcha Theing cu gah pyi ne tah, tuk bäi na mi hmuh ng’yak ah Mumcha theing cu mikmi ah khan ah yuk chah lawk ci.

LAMKTU 1:8

Cun ung phi na mi khan ah Mumcha Theing a kyum law ah a kyak ung, nang mi cu hlüng tai nak awn nami be khai. Cun kawn ah nang mi cu Jerusalem, Judea, Samaria lah khaw cawi ah khüt neh kei ah mawng pyein ciah saksi ah nami kyak khai” ci neh kyak na gui ci.

1 SHONTÄP NAK 16:29

Bawipa bämang ciah ang ming cu m’tam vä; douthak vai law püi ne ak Taigüim ah kyong ah law vä. Theingciim ci ang dang law ung ama ah m’khukdong ne kawp vä;

LAMKTU 19:20

Cun ah kyasei Bawipa ah huham awn ang Thu cu ng’shui ne abi bi nak cu khüi ghaat law pi ci.

LAMKTU 4:4

Cun ung phi a ni ng’thu ng’yah tuk ciah chang ak da naw, Bawipa yum tuk ci gui. Zum ciah chang avan phia hma kip law lawk ci.

NEHEMIAH 11:2

Jerusalem ung amät ah hmat ah om tuk ci gui cu chang gui naw m’tam ci gui.

EZEKIEL 43:12

Shin cu Taigüim ah thukhän ah kyak ci: shin ah angveing avan khomhtung ah khan cu theingthap ne theingcim ci.”

SUKI GUI 5:9

Kei ah ka m’lung cu Israel gabawi gui la yei ne amät ah ngaih ah düihtho ciah chang gui awn, a täng ah om ci nei, Bawipa m’hlüng tai nei!

SAM 29:2

Bawipa ah bämang ciah aming cu m’taam vä; Theingcim ci tumat a dang law ung ama ah kawp vä.

MIKHAH 5:6

Ami thagui thamah nak awn Assiria Nimrod khaw cu näng khai gui. Assirian gui naw kami khawpäng ami tuk law ung ngami naw na hun gui khai gui.