SAM 110:1 - Cho Bible Common Language 2016

¹ Bawipa naw ka bawipa am, “Ka patlam ah shin ung ngaw ä, Na ga gui cu na kho ka ah kä ka ngon sak pha ah chuih ngaw ä” pyen nak ci.

SAM 110:1 Referans Kwoze

1 KORIN 15:25

Khanpughi naw gaa gui avan tu ne m’shiu ne, a kho kaa ah a gawk sak ung khüt sei Bawi Khrih naw a van uk khai.

HEBRU 1:13

Khanpughi naw, a u khanchang am phi, “Na gaa gui avan na kho kaa ah, Kä ka gawk sak gui yawp pha ah chuih, Ka k’pat lam ah na ngoh vai nei,” ci ne kä kyak na man ci.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

MATTHE 26:64

Bawipa Jesuh naw, “Nang naw na pyein cu hman ci nei, kei naw akcang ka pyein cu, ngawi ah chang ah Htapa cu hlüngtai pibäih ciah Bawimang ah k’pat lam ah a ngoh la khomei bawk cun ne a kyum law ba cu nami hmu lawk khai nei,” cine pyein ci.

1 PETER 3:22

Ani cu Khan mawpi ah hteit ba ne, Khanpughi ah k’patlam ah om ne, khanchang gui la khankho ah huham la hlüngtai nak gui cu avan uk ne om ci.

SAM 8:6

Nang naw na pyantham avan uk khai ah ani cu na m’düih ci; na tüisho avan ah khan ah na om sak ci:

HEBRU 8:1

Mi pyein nak ah mawng avan ung ak tung pi cu, mik im ung cun ah Taigü Tung a om pyi ah mawng ah kyak ci. Ani cu Khankho Ghangpughang ah Mangkiang k’pat lam ung ngok ci.

KOLOSE 3:1

Nangmi cu Bawi Khrit awn nami ghing khai ah nami tho pyi ci, Cun ah kyasei, nami m’lung cu khankho ding ung nami ng’lin vai. Cun ah kho cu Bawi Khrit naw a ghui mangkiang ung a ngoh nak ah Khanpughi ah k’patlam ah kyak ci.

MAKUH 16:19

Cun ah Bawipa Jesuh cu ang düihpüi gui ang thu püi gui, kawn ah khankho ah kai püi ba u sei Khanpughi ah k’pat lam ung hang yong ne ngok ci.

SAM 8:1

O Bawipa, kami Bawi, Na bäimang nak cu m’dek khan avan ung dang ci! Chang gui ah ning m’hlüngtai nak naw khomik avan küm ci!

LUKA 22:41

Cun kawn ah ang düihpüi gui awn li-kiak ät vai ng’lak nak khai ah hteit netah, m’khuukdong ne,

1 SHONTÄP NAK 28:2

David naw ami ma ah ng’düi neta ng’thu a pyen cu: “Kei ah ka khaw chang gui, na ng’ngai vä. Kei naw Bawipa mi Khanpughi naw a khaw ataih nak ah kiah ciah Thukhän m’küm angtäi sei tha nak vai ah im cu ka co hlük ci nei. Kei naw ani m’tamkhah nak vai ah Taigüim cawh vai ah ka pawmhtein pyi ci nei,

SAM 109:20

Bawipa, ka ga gui, akshe ah ng’thu ne na hnu ng’tuk püi ci gui cu, a cun ah mäih ah m’kyuk gui ä!

ZEKHARIAH 6:13

Ani cu Taigüim co ne, ghangpughang ah m’taam nak gah ne, ak chang gui cu uk gui khai. Taigü cu amang kiang pei ah ng’düi khai, ngani cu dimdeeih kyäp nep nak awn atäng ah bik khai goi.’