SAM 11:7 - Cho Bible Common Language 2016

⁷ Bawipa cu düng ne düng ne bi nak cu m’hni ci; Düng ciah chang gui naw ani ah hmai cu hmuk khai gui.

SAM 11:7 Referans Kwoze

THU PHLAAN 22:4

Ngami naw Bawipa ah hmai cu hmuk khai gui, ani ah ming cu ami m’calai ung guk pe gui khai.

SAM 17:15

Cun ung phi kei naw ka ning hmu gui khai, kei cu chei khai ah a i kä ka bik ci; kei ka thawh law ung na na om püi nak naw kei cu na yeikyai sak khai nei.

1 PETER 3:12

A i ah kyasei ci ung Bawipa naw chang k’ni chang k’veih gui cu, Ngäng gui ne, ami taigü cu ngai gui ci. Cun ung phi akshe bik ci gui cu ng’hlah ta gui ci.

SAM 45:7

Nang naw düng nak cu na m’hni ci, akshe cu na gen ci. Cun cu Khanpughi, na Khanpughi naw a ning ghü ah kyak ci, Ani naw a hei ghangpughang gui ah mä, bä pi ciah yeikyai nak awn ning shawi ci.

JOB 36:7

Ng’düng ciah chang gui cu ani naw shungvong gui ci. Ani naw ghangpughang ah mäih ah uk sak gui ne angtäi sei m’tam khah gui ci.

1 JOHAN 3:2

Ka püi gui aw, mikmi cu tuhbäi Khanpughi ah htanau gui ah mi kyak ci nei, cun ung phi ngawi ah a i ah mi kyak law vai cu kä ng’hmat pang sei phi, Bawi Khrit a kyum law ba hnüüp ung, ani awn täng ne mi om khai, amät akcang cun phi mi hmuk khai, cicu mi hmat ci.

SAM 42:5

A i ah kyasei kei cu ka thüi aih ang? A i ah kyasei kei cu ka khüikha aih ang? Khanpughi ka ngaih u khai nei, ka Hunbawi la ka Khanpughi cu ka m’taam ba mä khai nei.

SAM 34:15

Bawipa naw düng ciah chang gui cu teng khen gui ci, ami ng’khü phi ngai pe gui ci.

SAM 33:18

Ani ngai ci la ng’täi ciah am hni nak ung ng’ap cicu Bawipa naw ngäng ci.

SAM 99:4

M’gäi ciah ghangpughang, nang naw düng nak la nikiom nak cu na law püi ci.

SAM 33:5

Bawipa naw düng ci la taga ci phung cu m’hni ci; Ng’täi ciah am hni nak naw khomdek cu be sak ci.

SAM 21:6

Nang ah hrilham cu ani awn atäng ah angtäi om ci, nang ah hmai awn ani cu yeikyai nak be ci.

SAM 5:12

Bawipa, ning ngai cicu hrilham na pek ci. Ngami cu na m’hni nak naw shawi ah mäih ah shung vong gui ci.

ISAIAH 61:8

Kei naw taga nak cu ka m’hni ci, shedam nak la cheishoh nak cu ka thüi nak ci. Kei naw ka chang gui ung bekhüt ka m’cümhnah gui khai, Nangmi awn ng’täi ciah thukhän ka bik khai.

SAM 146:8

Amik m’dauh gui cu m’dei sak gui ci. Zu ng’kyak ci gui cu zu chang tu gui ci; düng ciah ah chang gui cu m’hni gui ci.

SAM 7:9

Nang cu düng ciah Khanpughi ah na kyak ci, Kami ngaih-tüh la kami ng’yak hlü cu na m’choi chak ci. Changshe gui ah shetkat nak cu ng’pyi sak ne Changni gui cu m’shumphyuk gui ä.

SAM 7:11

Khanpughi cu ng’düng ciah suki ah kyak ci, ani naw angtäi sei, akshe cu m’kyuk ci.

SAM 37:28

Bawipa naw düng cicu m’hni ne, bekhüt ciah ak chang cu kä nawng ci, Ani naw angtäi sei ngäng gui ci, Cun ung phi changshe ah hta ng’shon gui cu, gawt ne k’täm gui khai.

SAM 45:8

Na suisak cu tui ng’ui la sing ng’ui ah ng’ui ci; Tum ng’lam ng’äi awm ci gui naw m’vui ha awn cawh ah mang im ung ning khin nak ci gui.

NG'THU K'THUUK~ 15:9

Bawipa naw changshe gui ah lam cu thui nak ci, cun ung phi dung nak bik ciah chang cu m’hni ci.