SAM 11:1 - Cho Bible Common Language 2016

¹ Bawipa ung phyawn vai ah ka ng’yii ci. A i hawkcha nang naw, shin ah thu na na pyen nak khai ang, “Kha ah mäih ah khomhtung ah zong ä,

SAM 11:1 Referans Kwoze

SAM 56:11

Ani ka ngaih u ci, kei cu kä ka kyik khai. Hniciim chang naw kei cu, a i ah na ci hlawt khai aw?

SAM 25:2

Ka Khanpughi, nang ung ka ng’ap ci nei. Thui ng’a nak ung na k’phyawn ä; Ka gaa gui naw kä na näng en u sä!

1 SAMUEL 23:14

David cu khaw ng’yung bung ah ng’thup ne om ci, cun cu ziph ah pei bungpuk ah kyak ci. Saul naw ani a hmuh vai ah angtäi sei k’tha nak ci, cun ung phi Khanpughi naw David cu ani ah kut ung kä ap ci.

LUKA 13:31

Cun yah ung Pharisee gui law u ne, “A hei lam ah hteit ne om mei ä, Herod mang naw ning ngawn khai pawng ci nei” cik ci gui.

NG'THU K'THUUK~ 6:5

Sakap ah cuun ungka luat ciah kha ah mäih ah, kigang ah mäih ah cun ah cuun ung na luat khai.

SAM 16:1

O Khanpughi, na ngäng ä, ka phyawn vai ah nang ung ka ng’ap ci nei.

2 SHONTÄP NAK 16:8

Sudam gui la Lybian gui cu yatha gui la ng’se ng’cum ci akda awn dämduh ciah gakap ah kä kya u ne ang? Cun ung phi nang naw Bawipa cu ng’ge ng’pai püi ci sei, ngami ah khan ah näng nak ning pek ci nei.

SAM 31:14

O Bawipa, cun ung phi nang ka ng’ap ci, Nang cu ka Khanpughi nei.

SAM 9:10

Bawipa, ning hmat ci gui cu, ng’ap lawk khai gui nei; Nang ah lawk ci a u phi nang naw kä na ma nak ci nei.

SAM 7:1

O Bawipa, ka Khanpughi, na na shungvong vai ah ka lawk ci nei; Na k’tääm nak ci gui ah chang van ah kut ung ka, na phyawn ne na hun ä,

2 SHONTÄP NAK 14:11

Asa cu Bawipa a Khanpughi ah taigü ci,” O Bawipa nang naw huham mah ciah gakap na m’htei ah mäih ah yoken ci phi na m’htei hning ci nei. O Bawipa kami Khanpughi, tuhbäi na m’htei gui ä, keimi cu nang ung kami ng’khüih ci nei, nang ah ming awn lut law ne shin ah däm aih ciah gakap cu kami tuk ci nei. Bawipa, nang kami Khanpughi; nang cu a u naw kä ning tu hnim hlawt ci nei.”

1 SAMUEL 20:38

Cän ung kä ng’düi ä! Ang ghit ah law ba ä! Ak hmaw naw m’la cu kaw ne, a bawi ah om nak ah law ba ci,

1 SAMUEL 27:1

David cu amät ng’htau ne, “Khaw hnüüp ät ung Saul naw na ngawn khai. Kei ah phäh ah aknipi cu Philistin ah phyawn vai ah hteh vai ah kyak ci. Cun ung Saul naw Israel khaw ung ana shui m’lung si khai, cun ung kei ka phyawng khai.”

1 SAMUEL 22:3

David cu a cun ungka naw Moab khaw Mizpah ah hteit ne, Moab ghangpughang ah ma ah, “Na bä ni, Khanpughi naw kei ah phäh ah a i abi law kä ka hmuh pha a chuih kanu la kapa cu law ne nang awn a täng ah om tu ni sä,” cik ci.

1 SAMUEL 19:11

A cu mü David cu a im ung mah ne, akhaw ngawi ung ngawn khai gui ah chang gui tüi gui ci. David akchu Michala naw am cäi cu, “Tuhmü kä na dawng ah a kyak ung ngawi ung na sik khai.”

NEHEMIAH 6:11

Kei naw m’shang ne, “Kei cu dawng ci la ng’thup ciah chang ah ng’khaw ah kä ka kyak ci. Kei cu Taigüim ah ng’thup ne ka hnun ka k’phiawn khai ah na ngai ne ma? Cun ah kä ka kyak khai.”

SAM 7:2

Kä cun ung ngami naw phongkawng ah mäih ah na chang ne, a u ah kä hun nak hning vai ah na hteh püi u ne, na phyit sek khai gui nei.

JEREMIAH 48:14

“Moab chang gui, a i ah kyasei nami mät cu chang m’gäi gui, ng’tuk näng pyi ciah gakap gui ah nami pyen ang?