SAM 109:3 - Cho Bible Common Language 2016

³ Kei ah mawng akshe ah pyen u ne, amawng kä om ciah na ng’tuk püi ci gui nei.

SAM 109:3 Referans Kwoze

SAM 69:4

Amawng kä om ciah kei na gen ci gui cu, ka lumu ah ta, da pi ci nei. Ka gaa gui naw ami hleei pyen ne na ng’küük neet püi ci gui, ngami cu m’gäi u ne kei na ngawn hlük ci gui. Kei naw kä ka m’guk phi na m’thung sak ci gui.

SAM 35:7

A mawng kä om ciah ami na pha nak vai cuun cung u ne, m’vam phi ak thuk ah co ci gui nei,

SAM 88:17

Ak hnüüp pum ung tui k’hlaw ah mäih ah na koi u ne, ak kit päng ung na khai shi ci gui nei.

SAM 35:20

Ngami cu ng’khawt nak ah ng’thu kä pyen ci gui; Ding gei sei om ciah chang gui ah mawng cu a hlü hlü ah m’hleeihlak ci gui.

HOSEA 11:12

Bawipa naw pyen ci, “Israel chang gui naw na veing u ne, hleeihlak ne na theileh nak ci gui. Judah chang gui naw bekhüt theingcim ciah Khanpughi cu tu ä na hnungtuk püi ci gui.

SAM 22:12

Gaa akda naw sei gui ah mäih ah kya ne na koi ci gui; ngami ami van naw Bashan sei nget ah mäih ah kya ne na k’fi ci gui.

SAM 17:11

Ngami naw na kiung ci gui nei, ka ng’hlah nak päng ah, ami na buh tawn nak vai däät ne na teng ci gui nei.

2 SAMUEL 15:12

Khawihnah nak a dou thak yah ung Absalom naw Gilo gawnu ah Ahithophela am chang tüih ci, ani cu Ghangpughang David ah chang vai tumat ah kyak ci. Ghangpughang ceng cham hnu ng’tuk nak cu khüi ghat law ne, Absalom läk ciah chang cu da lawk ci.

1 SAMUEL 26:18

Ani naw k’täi ne, “A i ah kyasei, saza, na na changshäm cu, tuh güt na, na k’täm ang? A i ang kei naw ka bi? A i katnak ang kei naw ka bi?

SAM 35:19

Ami gai pyen ne na gaih m’gin ne ka di vai ah, ka ga gui cu kä näng-en sak gui ä. A mawng ma a i kä om sei na thüi nak ci gui naw, ka thüi sangung kä na mik m’ghi en ah u sä.