SAM 109:14 - Cho Bible Common Language 2016

¹⁴ Bawipa naw apupa ah shet nak cu shüm ne, anu ah katnak cu kä m’gein en sä.

SAM 109:14 Referans Kwoze

NEHEMIAH 4:5

Kami cokyang ciah keimi ami na shedam nak gui ah phäh ah akshe ami bi cu kä m’geinsei en gui ä, ami hmakat nak cu kä m’hni en pe gui ä.”

PHYAWN NAK 20:5

A i ah a gup ah ma ah phi kä nami m’khukdong vai, kä nami khawihnah vai, a i ah kyasei ci ung, kei cu Bawipa, nami Khanpughi, a u awn phi kä ka ni täng ci. Kei na gen ci gui ah khan ah m’kyuk nak ka law püi ci. Ami hta ng’shon, shon thum, shon phli güt ung ka m’kyuk gui ci.

JEREMIAH 18:23

Cun ung phi Bawipa, kei na ngawn khai gui ah ami pawng m’htein avan cu nah mat ci nei. Ngami ah cheishoh nak kä m’geinsei en gui ä, ami katnak kä k’phiawn en gui ä. Ngami cu hnim ne shum sak gui ä, na m’lungshe nak awn om püi gui ä.”

ISAIAH 43:25

Cun ung phi kei cu nami katnak ning m’geinsei gui ciah khanpughi ah ka kyak ci, kei cu kei ah kya ne shin ah ka bi ah kyak ci. Ning hnung’tuk püi gui khai ah nami kat nak kä ka kawt khai nei.

2 GHANGPUGHANG GUI 11:1

Ghangpughang Ahaziah ah nu Ahtaliah naw a hta ami ngawn a hmat vai am, mang im kyong chang gui avan ngawn gui vai ah thukbäi gui ci.

2 GHANGPUGHANG GUI 9:27

Cun gui cu ghangpughang Ahaziah naw hmu neta, a yatha awn Beth Haggan täng ah dawng ci, Jehu naw gawt lawk ci. Jehu naw a chang gui am, “Ani phi ngawn vä” cine k’bäi gui ci. Ibleam gawnu pei, Kur lam ung a yatha ung ani cu k’phleim ci gui. Cun ung phi ani cu ling ne hteit ne, Mekiddo mang gaw ung gawk neta sik ci.

2 GHANGPUGHANG GUI 8:27

Ahaziah cu ghangpughang Ahab awn ng’kawi cang nak awn mätyah ah kya ne, Ahab ah kyong chang gui ah bi ah mäih ah ani naw Bawipa hnungtuk püi ne katnak bik ci.

2 SAMUEL 21:1

David naw a uk yah ung khaw kum thum ung ei khaw yaw ci. Cun ah kyasei David naw a cun ah mawng cu Bawipa am m’thein ci, Bawipa naw, “Saul la akyong chang gui naw chang ngawn ci gui; Ani naw Gibeon chang gui cu sih nak ung tüi gui ci.”

2 SAMUEL 3:29

Cun ah phäh ah m’kyuk nak cu Joab la akyongchang van ah khan ah ng’kya sä! Ang shon päng ung ani ah kyongchang m’neh ung gaw sä, kheilei ung gaw sä, hnumi bi bäng bi hning sä, ng’tuk nak ung ngawn u sä, kä tui ei hning sä!” cik ci.

TAIGÜTHUM 26:39

Nangmi ungka nami ga gui ah khaw ung api pawih ba ci gui cu akholä ah kyak khai, cun cu nami mät ah katnak la nami pupu gui ah katnak ah phäh ah kyak khai.

PHYAWN NAK 34:7

Hta ng’shon phia gha gha ung ka shaitak cu ka shum khenggeng ci, akshe la katnak cu ka m’geinsei ci. Cun ung phi kei naw ami pupa gui ah shetkat ah phäh ah ami hta ng’shon ak thum nak la ak phli nak khüt khai ah kä m’kyuk gui ah kä ka om khai nei” cik ci.