SAM 109:10 - Cho Bible Common Language 2016

¹⁰ A hta gui cu a im kaa ah kya ne, ng’zoi ne, ei u sä; shekak ciah ami om nak ungka, püi gui u sä!

SAM 109:10 Referans Kwoze

SAM 37:25

Kei cu ka ghi lawk ci, aksho ka ghing lawk ci, Changni Khanpughi naw nawng düt ci, ci la, ani ah hta nau ng’zoi ne ei ci, cicu kä ka hmu man ci.

ISAIAH 16:2

Ngami cu tuinu Arnon ah akem ung om ne ami ngäng yah ung, ami ng’bu ung ka k’tän gui ah kha gui ah mäih ah akholä ah lula ci gui.

SAM 59:15

Ui ah mäih ah ami ei vai shui shüi shüi u ne phi, ami phü vai kä hmuh u ne ng’tawh khai gui nei.

2 GHANGPUGHANG GUI 5:27

Tuhbäi Naaman ah gaw nak cu nang ah khan ah gawk sä, nang la nang ah hta ng’shon cu ngawi yä a cun ung gaw vä!” cik ci. Kehazi cu a hteh ba vai am, ani ung gaw nak gawk sei ani ah vun cu khüi toi ah mäih ah bawk ci.

2 SAMUEL 3:29

Cun ah phäh ah m’kyuk nak cu Joab la akyongchang van ah khan ah ng’kya sä! Ang shon päng ung ani ah kyongchang m’neh ung gaw sä, kheilei ung gaw sä, hnumi bi bäng bi hning sä, ng’tuk nak ung ngawn u sä, kä tui ei hning sä!” cik ci.

JOB 5:4

Ami hta gui naw phyawn nak kä hmu hlawt khai gui; yung ah m’kawt ung ngami shungvong gui ne ng’düi khai a u kä om ci.

JOB 27:14

Ngami ung ami hta akda om khai, cun ung phi ng’tuk nak ung ami van ngawn gui khai gui. Ami hta nau gui ung ami ng’büh nak vai ami ei vai kä om khai.