SAM 108:7 - Cho Bible Common Language 2016

⁷ A theingcim nak ung om neta Khanpughi naw, “Nängnak awn Shekhem gawnu cu ka k’bou khai, Sukkoth kho ng’nawi cu ka chang gui am ka pek khai.

SAM 108:7 Referans Kwoze

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

1 PETER 1:3

Mi Bawipa Jesuh Khrit ah Pa Khanpughi cu mi m’kümto khai nei! Khanpughi naw küikyang ciah ak chimgein nak awn, Bawipa Jesuh Khrit cu sih nak ungka thawh ba sak ne, mikmi am ghin nak ak thai cu na pe gui ci. Acun naw ghing ciah ngaih u nak awn na kümbe sak gui ci.

AMOS 4:2

Uktu Bawipa cu theingciim ci kya ne, ani ah shaitak cu, “Nga m’kaih awn kaih ne ami ning ghawh nak gui vai ah hnüüp gawk lawk khai, nami chang sing cu nga ah mäih ah nga m’kaih ung nami ng’bat khai.

JOSHUA 24:1

Joshua naw Israel pakhui avan cu Shekhem ung k’bum gui ci. A ni naw Israel gui ah ami gham hta gi, angvai gui, suki gui la bawi gui cu khü gui sei, ngami cu Khanpughi ah om nak ung hteit ci gui.

JOSHUA 20:7

Cun ah kyasei Jordan ah akhei täng, Kalile khaw, Naphtali khawgui ung Kedesh; Ephraim khawgui ung Shechem; Judah khawgui ung Hebron gui cu ghü ci gui.

JOSHUA 17:7

Manasseh ah khopäng cu Asher ungka naw Shekhem ah akiang Michethath ung khüt ci. Khawgii cu htumtäng ung hteit ne, Entappuah chang gui yukhäm ci.

ATÜNNAK 33:17

Cun ungka naw Jakob cu Sukkoth ah gawk neta, amät ah phäh ah im co ne, a seime gui ah phäh ah sei im co ci. Cun ung tün ne cun ah hmun cu Sukkoth ah mingthang ci.

SAM 60:7

Kilead cu ka khaw, Manasseh phi ka khaw. Ephraim cu ka lukhu, Judah cu ka bawimang ang dang nak ah kyak ci.