SAM 108:11 - Cho Bible Common Language 2016

¹¹ Ak cang ah na na hnu ng’tuk püi gui khai ma? Kami gakap gui awn a täng ah kä na hteit khai ma?

SAM 108:11 Referans Kwoze

SAM 44:9

Cun ung phi tuhbäi nang naw na ng’hlah ta gui ne, na na hnim sak gui ci nei; Nang naw kami ga kap gui phi kä na düih püi ba gui ci nei.

2 SHONTÄP NAK 13:12

Khanpughi amät cu kami ng’vaihta ah kyak ci, ani ah taigü gui ci phyungheng kawt ne shin ung om ci gui, keimi naw nangmi ning tuk püi gui vai ah cun gui tum ne na khü gui ge khai ah om ci gui Israel chang gui, Bawipa cu kä nami ng’tuk püi en vai nei, ani cu nami pupa gui ah Khanpughi nei! Nangmi naw kä nami näng hlawt khai nei!”

2 SHONTÄP NAK 20:15

Jahaziela naw, “Ka Bawimang, Judah la Jerusalem ung chang gui avan aw, Bawipa naw pyen ci, kä nami k’tha ken en vai, shin ah gakap gui awn ng’awt vai ah kä nami kyih en vai, ng’tuk nak cu Khanpughi ah kut ung om ci, nangmi ung kä om ci.

1 SAMUEL 17:36

Kei naw kawng gui la khawm gui cu ka ngawn ci, shin ah khuihei Philistin acun ah mäih ah ka cik khai, ani naw ghing ciah Khanpughi ah gakap gui cu gheet taap gui ci.

2 SHONTÄP NAK 14:11

Asa cu Bawipa a Khanpughi ah taigü ci,” O Bawipa nang naw huham mah ciah gakap na m’htei ah mäih ah yoken ci phi na m’htei hning ci nei. O Bawipa kami Khanpughi, tuhbäi na m’htei gui ä, keimi cu nang ung kami ng’khüih ci nei, nang ah ming awn lut law ne shin ah däm aih ciah gakap cu kami tuk ci nei. Bawipa, nang kami Khanpughi; nang cu a u naw kä ning tu hnim hlawt ci nei.”

1 SAMUEL 17:26

David naw a pei ah ka gui cu ng’shi gui ne, “Shin ah Philistin chang ngawn ne Israel gui cäi ng’ä nak ung phyawn sak ciah chang naw a i gah khai ang? Ghing ciah Khanpughi ah gakap ghet taap ciah shin ah chang hei Philistin chang cu a u ang?” cik ci.

KHEI NAK 10:9

Nangmi nami khaw ung ng’tuk a om law ah a kyak ung, ning tu law gui ciah nami ga cu, nami mät ng’gung ne nami hnungtuk püi vai. Shin ah phyungheng tum ne ng’tuk bi nak ah mawng nami m’dang vai. Kei, Bawipa, nami Khanpughi naw ning m’hteihtang gui ne, nami ga gui ungka ka ning phyawn gui khai.