SAM 107:1 - Cho Bible Common Language 2016

¹ “Bawipa cu m’hlüngtai vä, ani cu ni aih ci; am hni nak cu ng’täi ci nei!”

SAM 107:1 Referans Kwoze

SAM 106:1

Bawipa cu m’taam nei! Bawipa cu m’hlüngtai vä, Ani cu nik ci, am hni nak cu ng’täi ci nei.

1 SHONTÄP NAK 16:34

Bawipa cu yei na vä, ani cu nik ci nei; ani ah m’hni nak cu khonglän ci nei.

2 SHONTÄP NAK 7:3

Israel chang gui naw khankho ah ka kya lawk ciah meikdäi la pyü ne ng’shü ne Taigüim ung be ciah akdei cu hmu u neta, k’cigem ung ami hmai gawk khai ah kawp u ne, Khanpughi khawihnah u ne, amät ah ni nak la ng’täi ciah am hni nak ah phäh ah m’hlüngtai ci gui.

SAM 105:1

Bawipa cu m’hlüngtai vä, A dämduh nak cu ng’shäu vä; changpakhui van am ani ah bi cu m’thein ä.

SAM 100:5

Bawipa cu nik ci; A m’hni nak cu ng’täi ci, Ani ah bekhüt nak cu kä ng’pyi hlawt phung ci nei.

SAM 118:1

Bawipa cu m’hlüngtai vä, ani cu nik ci, ani ah m’hni nak cu ng’täi ci nei.

2 SHONTÄP NAK 7:6

Taigü gui cu ami k’bäi nak pek gui ah hmun ung ng’düi ci gui, Levit gui cu ngami lam mang u ne ng’düi u ne, David Ghangpughang naw a pek gui ah tum khawn gui tum ne ng’ä m’cu ne, Bawipa cu m’hlümtai ci gui,” Ani ah m’hni nak cu khonglän ci nei! cine David ah ap gui ah bik ci gui. Chang avan ang’düih yah ung taigü gui naw phyungheng tum ci gui.

LUKA 1:50

Ani m’tamkhah ci gui ah khan ah ang shon päng ung am gein nak cu dang sak ci.

SAM 103:17

Cun ung phi Bawipa m’taam ciah chang ah hmawk ah, ani ah m’hni nak cu kä ng’pyi hlawt ci, Ani ah ni nak cu hta ng’shon avan ung khäng lä ci.

2 SHONTÄP NAK 20:21

Ani cu chang gui awn ng’ge u neta, ghangpughang naw tum ng’lam ci gui a pyen nak gui cu, atheingcim hnüüp ung ami sui ah suinu sui sak gui ne, gakap gui ah ma ung hteh sak gui neta, “Bawipa cu m’hlümtai vä, ani ah m’hni nak cu khaw ng’län ci nei!” cine ng’äi ami m’cu vai ah k’bäi gui ci.

1 SHONTÄP NAK 16:41

Cun ah ngami awn a täng ah om ci gui cu, Heman la Jeduthun la ahei gui ng’täi ciah am hni nak ah phäh ah ng’äi m’cu ne Bawipa m’hlüngtai khai ah ami ghü gui ah kyak ci.

SAM 119:68

A i hlawk ah na nik ci, a i hlawk ah na bä ci ang! Na thumkhän cu na m’thei ä.

MATTHE 19:17

Bawipa Jesuh naw, “Nang naw nik ciah bi ah mawng a i ah kiasei kei na nang shi ang? Changnitumat bäng nei om ci, Nang cu ang täi ghin nak na gah hlü ung thukhän cu na läk vai,” ci ne kiak nak ci.