SAM 104:2 - Cho Bible Common Language 2016

² Na mät naw na mät cu akdei awn na uk ci. Nang naw khankho cu phung ah mäih ah na ng’shawng sak ci,

SAM 104:2 Referans Kwoze

ISAIAH 40:22

Cun cu khomdek ah khan, khomik ah hnu ung, amät ah mang kiang ung ngok ci naw apian nei; m’dek khan ung om ciah chang gui cu m’ling hta gui ah mäih ah kyak ci gui nei. Ani naw khomik cu zidung ah mäih ah k’phiat sei, ak kyong ah om nak vai ah phung ah maih ah kyak ci:

DANIEL 7:9

Kei naw ka teng sangung mang im kyong ah mang kiang gui ka hmuk ci. Mang kiang tumat ung angtäi ghing ci tumat ngok ci. Ani ah suisak gui cu khüi ah mäih ah bawk ne, alu sam cu htome ah mu ah mäih ah kyak ci. Mei ah däi ciah ping gui ah khan ah mang kiang cu mei ah cang ci.

ISAIAH 45:12

Kei cu khomdek tüi pyang ciah ka kyak ci, a cun ung om ciah hmun ung chang phi ka tuisho ci. Ka huham awn khankho cu k’phiäh ne, hni, cha, aisi gui cu ka kut shum ci.

1 JOHAN 1:5

Tuhbäi keimi naw A Htapa ung hmu ng’ya ne kami ng’shäu ba ah thu cu, “Khanpughi cu akdei ah kyak ci, ani ung hmüp nak api phi kä om ci,” ciah kyak ci.

1 TIMOTHI 6:16

Khanpughi bäng naw sih nak phiawn nak ci; Ani cu chang naw kä ak et hlawt vai ah pyü ne ng’shü ci ung om ci. Ani cu a u naw kä hmu man ci; Ani cu a u naw kä hmu hlawt ci: Bawipa ung m’tamkhah nak la angtäi sei hlüngtai nak cu om sä! Amen.

MATTHE 17:2

Ngami naw ami hmuh ge ah Bawipa Jesuh ah amüi cu ng’khukhlat lawk ci, a hmai cu khohni ah mäih ah pyü ne, a suisak gui cu bawk-en phäng phäng ne khang ci.

ZEKHARIAH 12:1

Shin cu Israel gui ah mawng Bawipa ah ng’thu ah kyak ci. Cun ah Bawipa cu khawmik küm ne, khomdek tüi sho ne, chang am ghin nak pek ciah kyak ci. Ani naw,

JOB 9:8

Khanpughi amät bäng naw khankho gui cu yuk khui lawk ci. Tuinu likim ah m’ghuk cu leh ci.

JOB 36:30

Ani naw khomik avan ung kho lailäp sak ci, Cun ung phi tuinu ah a thuuk nak läi cu hmüp lä ci nei.

HABAKKUK 3:4

Ani cu pyü ne ng’shü ne lawk ci, akut ung lailäp ne ng’shü ci nei, a cun ung a huham cu thup ci nei.