SAM 104:1 - Cho Bible Common Language 2016

¹ Ka mümcha, Bawipa cu m’taam ä! O Bawipa, ka Khanpughi, Nang cu na dämduh aih ci nei! Nang cu küikyang nak la bäimang nak na sui awi ci;

SAM 104:1 Referans Kwoze

SAM 103:22

A uk nak hmun avan ung ka, a tüisho avan naw Bawipa cu m’taam vä. Ka mümcha, Bawipa cu m’taam ä!

SAM 145:3

Bawipa cu dämduh ci kyasei, ak hlüngtai ah m’tamkhah vai nei; a dämduh nak cu kä hmat hlawt yawp vai kyak ci nei.

SAM 96:6

Bäimang nak la hlüngtai nak naw ani cu k’oi ci; huham la kyom nak naw a Pum im cu k’be ci.

ISAIAH 59:17

Ani naw taga nak cu saphaw ah mäih ah sui ne, hun nak huham ah kyak ciah lukhu cu ng’büng khai. Anawng gui düng khai ah bi nak hlü aih ah sui cu amät naw sui ne, chang gui ah yai ca nak ah cheishoh nak cu m’lyuk ne phu tuk khai.

SAM 93:1

Bawipa cu ghangpughang ah kyak ci. Ani cu huham la thamah nak suisak ci. Khomdek cu a hmun ung khäng ne, kä hnün hnawk hlawt ci.

DANIEL 9:4

Bawipa ka Khanpughi ah taigü ne, ka chang gui ah katnak cu ka ng’yuu ba ci. Kei naw ka pyen ci, “Bawipa Khanpughi, nang cu na dämduh ci, keimi naw kami ning m’tamkhah ci. Nang cu na thukhän ung bekhüt ne, nang ning m’hni ci gui la nang ah thumkhän bik ci gui ah khan ah ng’täi ciah m’hni nak na m’dang ci.

SAM 104:35

Khomdek khan ung chang kaa gui cu m’di gui sä, changshe gui cu kä om ba u sä. Bawipa m’taam ä, ka mumcha! Bawipa m’taam ä!

JEREMIAH 23:24

Kei naw kä ka hmuh vai ah a u phi kä ng’thup hning ci. Khan kho lo khomdek khongnü ung kei ka om cu kä nami hmat ne ma?

SAM 7:1

O Bawipa, ka Khanpughi, na na shungvong vai ah ka lawk ci nei; Na k’tääm nak ci gui ah chang van ah kut ung ka, na phyawn ne na hun ä,

HABAKKUK 1:12

Bawipa, nang cu a htük ge ung Khanpughi ah na kyak ci. Nang cu ka Khanpughi, ng’ciim ne angtäi ah na ghing ci, Bawipa, ka Khanpughi la ka ng’yii nak, nang naw Babilonian gui cu ghü gui ne, na k’thamah sak gui ci. Cun ah kia nei keimi na m’kyuk gui ci gui.

DANIEL 7:9

Kei naw ka teng sangung mang im kyong ah mang kiang gui ka hmuk ci. Mang kiang tumat ung angtäi ghing ci tumat ngok ci. Ani ah suisak gui cu khüi ah mäih ah bawk ne, alu sam cu htome ah mu ah mäih ah kyak ci. Mei ah däi ciah ping gui ah khan ah mang kiang cu mei ah cang ci.

SAM 95:3

Bawipa cu m’gäi ciah Khanpughi, khanpughi gui avan ah khan ah m’gäi ciah ghangpughang nei.