SAM 103:6 - Cho Bible Common Language 2016

⁶ Bawipa naw ami shedam nak gui lam ah om ne m’khoi m’chak ci, ngami am ami chaw phi pe gui ci.

SAM 103:6 Referans Kwoze

SAM 12:5

Bawipa naw, “Cun ung phi tuhbäi kei ka lawk khai,” A i ah kyasei ci ung, dukhaih ci gui ami shedam nak, dukdeiu ci gui ah m’lau ng’pyan ah hmawk ah kyak ci. Ngami am ami ng’yak hlü ah m’lung üp nak cu ka pe gui khai.

SAM 9:9

Bawipa cu dukdeiu nak gah ci gui ah ng’yii nak, gein vai yah ung ng’pha nak ah kyak ci.

SAM 72:12

Ani khü ciah dukhaih ci gui, cawigha ci gui la khüikha ci gui cu gung gui ci.

SAM 146:7

Ani cu ami shedam nak ah chang täng ah om ci. Ei ah cawi ci gui am ei m’bei gui ci. Bawipa naw thawng kyum ci gui cu m’hlawt gui ci.

NG'THU K'THUUK~ 14:31

Dukhaih ciah chang shedam nak ci cu, ani tuisho ciah Khanpughi paphi ciah kyak ci. Cun ung phi dukhaih ci m’gein cicu khawihnah nak bik ciah kyak ci.

JAMES 2:6

Cun ung phi nangmi naw pyamtham cicu chang ah kä nami ngai ci, bühmang ci gui naw nangmi cu ning yoshe na gui u ne, yung ah m’kawt mang ah khlaak ung ning hteh püi gui ciah kä kya ne ang?

SAM 109:31

a i ah kyasei ci ung, ani naw dukhaih ci gui cu shungvong gui ne, sihnak ah ami m’kyuk nak gui ungka hun gui ci.

EZEKIEL 22:7

Mang gui ung a u naw phi a nupa kä m’tamkhah ci. Nangmi naw khohei chang gui m’hleei gui ne hmeinu hmeihta gui nami shedam

SAM 72:4

Dukhaih ci gui cu ghangpughang naw hmai kiang ne m’taga gui sä; cawi gha ci gui cu m’hteinghtang gui sä, ngami shedam na gui cicu hnim gui sä.

NG'THU K'THUUK~ 23:10

Ng’giilung phyim cu kä nami m’hnawn vai. Hmeihta ah khaw hmun cu kä nami guh pek vai.

SAM 35:10

Ka m’lung kyong avan awn Bawipa ma ah ng’thu ka pyen vai cu, “Nang awn täng ci a u kä om ci. Nget ciah kut ungka ak ghawi na shung ci, m’gäi ciah kut ungka ak pyam na hun ci.”

LUKA 14:22

Kä shou pha sei, akchang tüih cu gawk law ba ne, “Na pyein nah mäih ah, ka khü gui pyi ci nei, cun ung phi ngoh nak vai awng ba ci nei” cik ci.