SAM 103:12 - Cho Bible Common Language 2016

¹² Hni law kho cawi la hni kyak kho cawi ah ng’shawng ah mäih ah, Ani naw mi katnak cu na ng’shawng sak gui ci.

SAM 103:12 Referans Kwoze

ISAIAH 43:25

Cun ung phi kei cu nami katnak ning m’geinsei gui ciah khanpughi ah ka kyak ci, kei cu kei ah kya ne shin ah ka bi ah kyak ci. Ning hnung’tuk püi gui khai ah nami kat nak kä ka kawt khai nei.

1 JOHAN 1:7

Cun ung phi ani cu akdei ung a om ah mäih ah, mikmi cu ak dei ung mi om ah a kyak ung, mikmi cu tumat la tumat pui m’ca nak om ci. Khanpughi ah Htapa Bawi Jesuh naw asi ng’hlui awn mi kat nak nüng cu m’si ne ana theing sak gui pyi ah kyak ci.

MIKHAH 7:18

O, Bawipa, nang ah kawn ah ahei Khanpughi kä om ci. Om ba ciah na chang gui ah ami katnak cu na m’gein ci, nang cu angtäi sei na m’lung kä shek ci, na na m’hni nak gui dang khai ah na yeikyai nak om ci.

ISAIAH 38:17

Kei ah ka khaa nak shi, dimdeeih nak ah ng’hlat khai nei. Kyihkyawk nak avan ung na na m’geinsei ci nei.

JEREMIAH 31:34

A u naw phi Bawipa hmat vai ah mawng apigaw-chang kä theithang khai, a i ah kyasei ci ung a hmaw pikbäih ungka naw ang vaipikbäih ung khüt sei, chang avan naw kei nah mat khai, kei naw ami katnak ka m’geinsei gui khai, ami cheishah nak kä ka shüm ba khai. Kei, Bawipa naw ka pyen nei.”

HEBRU 10:2

A vai sü ah Khanpughi khawihnah ciah chang gui ah ami cheishoh nak cu, thukhän naw akcang ah theing cim sak ciah a kyak ung, cun ah chang gui naw ngami ung cheishoh nak kä om ba ciah ngai u ne, küikyan nak kä bi ba khai gui ah kyak ci.

2 SAMUEL 12:13

David naw, “Kei naw Bawipa hnu ng’tuk püi ne katnak ka bik ci nei” cik ci. Nathan naw, “Bawipa ning m’gein sei ci, nang kä na sik khai.

JEREMIAH 50:20

Cun ah khin a gawk law ung Israel ah katnak kä hmuh ba vai, Judah ung cheishoh nak kä om ba khai, a i ah kyasei ci ung kei naw phiawn ngäsei ghing ci gui cu kei naw ka m’geinsei gui khai. Kei Bawipa naw ka pyen nei.”

ISAIAH 45:6

Kei naw shin ah ka bi ah phäh ah vang khocawi ah ka naw, vang khocawi ung khüt sei, chang nü naw, kei Bawipa ah ka kyak la a hei khanpughi kä om ci, ci cu hmat lawk khai gui.

SAM 113:3

A khei akyang avan ung Bawipa aming cu m’tamkhah vä!

SAM 50:1

Ak hlüngtai pi Khanpughi, Bawipa naw thu pyen ci; Ani naw khomdek khan akhei ak kyang avan khü ci.

ISAIAH 44:22

Kei naw nami katnak cu kho ng’mei ah mäih ah ka zon sak ci nei. Kei ah law ba vä, kei cu nangmi ning hun gui ciah ka kyak ci nei.”

EZEKIEL 18:22

Ani ah katnak avan cu m’geinsei vai, ani cu ghing khai, a i ah kyasei ci ung ani naw hman cicu bik ci.

MIKHAH 7:19

Nang naw na na chimgein ba gui khai. Kami katnak cu na khaw awn leh ne, kami cheishoh nak cu tuinu ah ng’lung ung na shum yawp khai.