SAM 102:8 - Cho Bible Common Language 2016

⁸ Ak hnüüp pum ung ka ga gui naw nak shedam nak ci gui; Na züigen ciah chang gui naw ka ming mang ne ng’plah ng’taam ci gui.

SAM 102:8 Referans Kwoze

LAMKTU 26:11

Pum im gui ung phi kei naw akda vei ngami cu m’sheitkat gui ne, ami yum nak ami nawng vai ah ka k’tha na man ci. Kei cu ngami ah khan ah m’lung k’she aih netah, a kho hei gawnu gui yungpum ah hteit ne ngami cu ka k’dudeiu na gui ci.

LAMKTU 7:54

Judah kawngsi ng’vai gui cu Stephen ah ng’thu ng’yah u netah ami ha htui neh m’lung k’she ci gui.

JEREMIAH 29:22

Babilonia ah ka Jerusalem ah pha ne ami hteh püi gui ah chang gui naw chang tumat mat ami plah tam hlüung, ngami naw, Babilon ghangpughang naw Zedekiah la Ahab cu ak ghing ah mei awn am khin goi ah mäih ah Bawipa naw ning ci sä!’ Cik khai gui!

ISAIAH 65:15

Kei naw ka ghü ah chang gui naw nang ah ming cu plah taam nak ah mang khai. Kei, Uktu Bawipa naw sih nak ka ning pe gui khai. Cun ung phi kei na ngai ciah chang am ming ak thai ka pek khai.

SAM 89:51

O Bawipa, na ga gui naw na ghü ah ghangpughang cu shedam nak ci gui nei! Ani cu a hteh nak päng ah shedam nak ci gui nei.

SAM 69:20

Lü ng’ä nak naw ka m’lung na thüi sak sei, kei cu di nak ung ka gawk ci. Nam gein khai ngai ngä sei kä om ci, na m’htei khai kä ka hmuk ci.

SAM 55:3

Ka gaa gui ah k’aw ng’ya ne, ka kyik ci nei, Changshe gui naw na hnim u sei, ka yai ci nei. Ngami naw na geinvai sak ci gui, Na m’lung she na u ne, na gen ci gui.

SAM 2:1

A i ah kyasei changpakhui gui naw ng’tuk vai ami ng’bü ang? A i ah kyasei chang gui naw m’yihthuh ne ami bi ang?

ROMAN 15:3

Bawi Khrit cu amät ah yeikyai nak vai a i kä bik ci, cun ah abi nak vaisü ung cacim theing ung om ciah; “Chang gui naw Bawipa ami k’shedam nak cu kei ami na k’shedam nak ah kyak ci nei,” a ciah mäih ah chang gui ah k’shedam nak cu gah ci.

LUKA 6:11

Pharisee gui cu ang htei ah thüi ne m’lungshe u netah Bawipa Jesuh ah khan ah a i hawkcha ah bi bi vai ciah ng’ge ci gui.

SAM 41:5

Ka gaa gui naw akshe ah na pyen u ne, ka sih, ka maih vai ng’ya hlü ci gui nei.

SAM 77:5

Ng’kawn pyi ciah hnüüp gui cu ka ngaih-tüh ci, ng’pyi pyi ciah khokum gui cu ka shüm ba ci.