SAM 102:3 - Cho Bible Common Language 2016

³ Ka ghin nak cu mei khu ah mäih ah pyei ne, ka pumsa cu mei ah uih ah mäih ah kyak ci nei.

SAM 102:3 Referans Kwoze

JAMES 4:14

Nami ghin nak ngawi ung a i ah a kyak vai ah kä nami hmat ci! Nangmi cu a shäng hta thawk ne khu netah maih ba ciah meikhu awn nami täng ci.

NG’ÄI KYAH 1:13

Ani naw akhan ah kaa mei tüi lawk ci, cun ah mei naw kei ah ka kyong cu na ui ci. Ani naw kei ah phäh ah cun cung neta, m’dek ung kei na law püi ci. Ani naw kei cu na m’kei neta, ng’täi ciah m’nehnak ung na nawng shüt ci.

SAM 37:20

Cun ung phi changshe gui cu sih yawp khai gui; Bawipa ah a gaa gui cu chei ah maih ah thum ne, mei khu ah mäih ah maih khai gui.

JOB 30:30

Ka vun cu ng’lat ne le ci nei, kei cu ang htei ah ka gaw ci nei.

SAM 31:10

Kei cu thüi sei nak naw nak täp ne, awk guh nak naw ka ghing nak tawi sak ci nei. Ka khüikha nak avan awn ka tha ng’yai ne, ka guh gui phi thum’dawk ci nei.

NG’ÄI KYAH 3:4

Ani naw ka m’cisa cu ak auh ak uih ah nawng ne, ka guh gui cu hnget sak ci.

SAM 119:83

Meikhu thuk ciah savun um ah mäih ah, kei cu a i ah kä ka mawng ci; cun ung phi na thumkhän cu kä ka m’hnih ci.

SAM 38:3

Nang ah na m’lung she cu, kei naw ak tung ah ka m’neh ci nei; Ka cheishoh ah hmawk ah ka pum sa avan ung nat nak om ci nei.

SAM 27:9

Kä ka ning hmuh vai ah kä ng’thup-en ä! Kei ah khan ah kä m’lung she-en ä; Na changshäm cu kä ng’hlah ta-en ä. Nang naw kei cu na nam htei ci, kä na hteh tak-en ä, kä na nawng-en ä, O Khanpughi ka hunbawi.

SAM 31:3

Nang cu ka ng’yii nak la ka ng’shung nak ah na kyak ci; na shaitak ah mäih ah kei cu na chuiso ne, nam shüm ä.