SAM 102:2 - Cho Bible Common Language 2016

² Ka cümbawng yah ung kä na ng’hlah en ta ä! Ka ning khü cu ngai ne, ang ghit ah na m’shang ä!

SAM 102:2 Referans Kwoze

SAM 69:17

Na changshäm cu kä na ng’thuh tau ä; ka khüikha aih ci nei, tuhbäi na m’shang ä!

ISAIAH 8:17

Bawipa naw akchang gui ung ka, amät naw amät cu ng’thuh sak ci, cun ung phi kei naw ani ngaih u ne, ka ngaih u nak cu ani ung ka tha ci.

SAM 27:9

Kä ka ning hmuh vai ah kä ng’thup-en ä! Kei ah khan ah kä m’lung she-en ä; Na changshäm cu kä ng’hlah ta-en ä. Nang naw kei cu na nam htei ci, kä na hteh tak-en ä, kä na nawng-en ä, O Khanpughi ka hunbawi.

SAM 104:29

Nang naw na ng’hlah taak gui ung ngami cu kyik ci gui; Nang naw ng’ghi nak na laak ung ngami cu sik ci gui, ami ng’tüi nak te ah m’vut ung hteit ba ci gui.

SAM 70:1

O Khanpughi, na hun ä! Bawipa tuhbäi na m’htei ä!

1 KORIN 10:13

Nangmi naw tuhbäi nami buiaut ah tüihtok nak gui cu, chang ung gawk law man ci bängbäng ah kyak ci nei. Khanpughi cu a shaitaak ah mäih ah om ciah kya ne, nangmi naw kä nami m’khüt vai ah tüihtok nak cu kä ning awt sak gui khai. Tüihtok nak nami awt law ung nami m’khütnäng nak vai ah k’thagui ning pe gui ne, nami phiawn nak vai ah lam ning m’hnuh gui khai.

SAM 143:7

Bawipa, Tuhbäi na m’shang ä! Ka ngaih u nak avan maih ci nei. Kä na ng’thuh en tau ä, Sihnak ah kho ah hteit ci gui ah ng’lung ah kei cu ka hteit khai kyak ci nei.

SAM 71:2

Nang cu na düng ci kyasei, Na m’htei ne na gung ä, ka thu ngai ne na hun ä!

ISAIAH 43:2

Thuuk ciah tui nami kan yah ung kei naw ka ning om püi gui khai nei; Nami khüi kha nak naw kä ning küm gui khai nei. Nangmi cu meikdäi kawt ne nami hteh yah ung mei naw kä ning ui gui khai nei.

SAM 40:13

Bawipa, na hun ä, tuhbäi na m’htei ä!

SAM 31:2

Na ngai ä! Tuhbäi na hun ä! Ka ng’yii nak awi na shung ä; ka shung nak awi na hun ä.

SAM 22:19

O Bawipa, kei awn kä ng’shawng-en ä! Kei na nam htei khai ah law hlah ä!

SAM 13:1

O Bawipa, kei cu a i güt na m’hnih ne, na om lä khai ang? A i güt kei ah kä ning hmuh vai ah na ng’thup khai ang?

JOB 34:29

Khanpughi naw a i kä bik khai ah ak bäi ah a kyak ung, A u naw phi ani kä täitawk khai nei. Ani naw a hmai a thuh ei ah a kyak ung, chang gui cu am gein kaa ah kyak khai gui nei.

JOB 7:21

Kei ah katnak cu kä na na m’geinsei hning ne ma? Kei naw hma ciah ka bi gui cu kä na na m’geinsei hning ne ma? Kä shou pha sei kei cu ng’phuh hmun ung ka hteit lawk khai, ka htait pyi khai nei.

ISAIAH 65:24

Kei ah ami taigü law kä ang pha ung, ngami ah taigü cu kei naw ka m’shang khai.

PHYAWN NAK 2:23

Khokum api sho hta khäta, Egypt ghangpughang cu sik ci. Cun ung phi Israel chang gui cu ami khleihtein ah kya ne geinvai lä u ne, m’gein gui vai ah kyap m’lau lä ci gui. Ngami ah kyah cu Khanpughi ah gawk ci.

PHYAWN NAK 2:24

Khanpughi naw ami ng’hlou ei cu ng’ya neta, Abraham, Isaak la Jakob ung ang thukhän cu shüm ba ci.

SAM 17:1

O Bawipa, düng ci lam ah om ne, ka ng’hui cu na ngaih peä; Ka kyah nak cu na dou pe ne, na m’htei ä! Düngnak awn ka taigü cu na ngaih peä.