SAM 102:15 - Cho Bible Common Language 2016

¹⁵ Chang pakhui gui naw Bawipa cu kyih khai gui; m’dek khan ghangpughang gui naw a huham cu kyih khai gui nei.

SAM 102:15 Referans Kwoze

1 GHANGPUGHANG GUI 8:43

ani ah taigü cu ngaih pe ä. Khankho ah a hawn ung na om ung phi ng’yak peä, na bi pek vai ah a ning thäh phi bi peä, cun ung khaw ah khan ung om ciah a ning thäh phi bi peä, cun ung khaw ah khan ung om ciah chang van naw, na chang Israel gui ah mäih ah, ning hmat khai gui, na ng’thu phi ngai khai gui nei. Cun kawn ah nang ning khawihnah nak vai ah hmun ah kyak khai ah shin ah Taigüim kei naw ka cawh cun phi hmat khai gui nei.

SAM 138:4

Bawipa, m’dek ah khan ung ghangpughang avan naw ning m’tam khai gui nei, a i ah kyasei ci ung ngami naw na shaitak cu ng’ya pyi ci gui nei

SAM 86:9

Na tüisho ah pakhui avan naw law u ne, ning khawihnah lawk khai gui nei, na ng’ghawtai nak cu ngami naw m’taam khai gui nei.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

SAM 72:11

Ghangpughang avan ama ah kawp khai gui; changpakhui avan naw a khut bik khai.

THU PHLAAN 21:24

Chang ah hta avan cu cun ah mang gaw ah akdei ung hteit-hton khai gui. M’dek ah khan ghangpughang gui naw ami ng’bühmang nak cu cun ah mang gaw ah law püi khai gui.

ISAIAH 55:5

Tuhbäi nang naw a khohei pakhui gui cu na k’thäh khai ayan läi ngami naw kä ning hmat man ci gui, cun ung phi tuhbäi ngami cu dawng ne law ne, nangmi ung ng’dawn tuk khai gui! Kei, Bawipa nami Khanpughi, theingcim ciah Israel Khanpughi naw, shin gui avan kya lawk khai ah ka bik khai; kei naw m’tamkhah nak la bäimang nak ka ning pe gui khai.”

NEHEMIAH 1:4

Cun ng’ya neta kei cu ngo ne ka kyap ci. Kei cu khaw hnüüp akda ung thüisei ne, ei kä ka ei ci, Khanpughi ah ka taigü ci.

NEHEMIAH 2:3

Ka m’shan cu, “Ka bawimang aw, khaw ng’län ung ghing ä! Kei naw ka hmai kä m’kyum ne a i hawkcha ka on hlawt khai aw? Ka pupa gui ah ng’phuh nak ah mang gaw cu she ne di ci, m’kawt gui phi mei naw ui ne m’di ci nei.

NEHEMIAH 2:17

Cun ung phi tuhbäi kei naw ka pyen nak gui cu, “Teng vä, Jerusalem cu ng’phye ne, m’kawt gui cu di sei, mikmi khüikha ne mi om ci nei! Mikmi naw mang gaw k’paang cu co ba ne, mi thui hmai nak cu mi ng’pyi sak khai nei.”