SAM 102:12 - Cho Bible Common Language 2016

¹² Cun ung phi nang Bawipa cu angtäi sei ghangpughang ah na yak ci; hta ng’shon van naw ning shüm khai nei.

SAM 102:12 Referans Kwoze

SAM 135:13

Bawipa, nang cu angtäi sei Khanpughi ah na kyak mawng ng’shäu khai nei; hta ng’shon avan naw ning shüm khai nei.

NG’ÄI KYAH 5:19

Cun ung phi nang, O, Bawipa, nang cu khonglän ung ghangpughang ah na kyak ci nei. Nang naw khaw akhin ang pyi nak ung khüt sei na uk khai nei.

PHYAWN NAK 3:15

Kei, Bawipa, Ami pupa gui ah Khanpughi, Abraham, Isaak, Jakob ni ah Khanpughi naw, nangmi ah ana tüih law nei, cine Israel chang gui am na m’thein gui vai. Cun cu khonglän ung ka ming ah kyak ci. Cun cu ma lam ung hta ng’shon gui naw ami na khü vai ah kyak ci.

HEBRU 13:8

Bawipa Jesuh Khrit cu yanta, tuhngawi, ngawi yä, käng khukhlat phung ci.

SAM 9:7

Cun ung phi Bawipa cu angtäi sei ghangpughang ah kyak ci nei. M’khoi cha nak vai ah a mang kiang cu co ci nei.

ISAIAH 44:6

Bawipa, Israel gui uk gui ne, shungvong gui ci, m’gäi ciah Bawipa naw shin ah pyen ci; “Kei cu tün nak, khüm nak la tumat bäng ah Khanpughi ah ka kyak ci; a hei khanpughi kä om ci, kei bäng ah kyak ci.

ISAIAH 60:15

Nang cu nawng ne ami thüi nak, chang ah kä om nak, shiu ciah mang gaw ah kä na kya ba khai. Kei naw nang cu dämduh ne kyom khai ah ka ning pyang khai, khonglän ung yeikyai nak ah hmun ah na kyak khai.

THULÄÄN NAK 33:27

Khanpughi cu angtäi sei nangmi ah ng’shung nak ah kyak ci. Ani ah ng’täi ciah a kut gui cu nang ah ng’khäng nak ah kyak ci. Ami van nami m’di gui vai ah ani naw ning m’thein gui ci.

JOB 8:9

Mi ghin nak cu tawi ci, a i phi kä mi hmat ci; Mikmi cu khomdek phlän ciah ang hnim ah mäih ah mi ng’kawn ci nei.

JOB 14:2

Mikmi cu cheipai ah mäih ah a lawi ah pai ne alawi ah mi ng’yai ci; mikmi cu ang hnim ah mäih ah mi maih ci.

SAM 90:6

Cun cu ng’ghaw ne, m’guh ne, pai ci, cun ung phi mühun lam ah chawng ne sik ci.

SAM 109:23

Khomü hun püpüi ah mäih ah kei cu ka ng’kawn ci nei; m’kyit zoop ah mäih ah ka ng’plon ci gui.