SAM 102:11 - Cho Bible Common Language 2016

¹¹ Ka ghin nak cu mühun k’awi ung püpüi ah mäih ah kyak ci nei; kei cu khu chawng ah mäih ah ka kyak ci.

SAM 102:11 Referans Kwoze

SAM 109:23

Khomü hun püpüi ah mäih ah kei cu ka ng’kawn ci nei; m’kyit zoop ah mäih ah ka ng’plon ci gui.

JOB 14:2

Mikmi cu cheipai ah mäih ah a lawi ah pai ne alawi ah mi ng’yai ci; mikmi cu ang hnim ah mäih ah mi maih ci.

SAM 144:4

Ani cu khokhi goh ah mäih ah kyak ci; Ani ah kho hnüüp gui cu ng’kon ciah püpüi ah mäih ah kyak ci.

1 PETER 1:24

Cacim theing naw, “Hnicim chang avan cu khuktaa ah mäih lawk ci, Ami bämang nak avan cu papai ah mäih lawk ci. Khuktaa cu chawng ne si thei ci, a pai cun phi thuum ne kiawi thei ci.

JAMES 4:14

Nami ghin nak ngawi ung a i ah a kyak vai ah kä nami hmat ci! Nangmi cu a shäng hta thawk ne khu netah maih ba ciah meikhu awn nami täng ci.

JAMES 1:10

bühmang ciah khritha tumat cu Khanpughi naw a yuk neim sak ung yei kiai sä. Bühmang ci gui cu cheipai ah mäih ah thuum ne ng’kawn khai gui nei.

THUSHÄUTU 6:12

Tawi ne a kholä ah kyak ciah mi ghin nak — püipüi ah mäih ah kyak ciah ghin nak ung, chang tumat naw, mimi ah phäh ah akni pi cu, a i hawkcha ah a hmat vai ang? Chang tumat naw m’sih kawn ah khomdek khan ung a i ah kya lawk khai ci cu, a i hawkcha ah hmat hning khai aw?

JOB 19:10

Bawipa naw kei cu ka kiuk ng’tän vai ah amawng pang ung na shudeng ci nei. Kei ah ka ngaih u nak cu ang yung ah mawi ne chawng ne di sak ci nei.

NG’ÄI KYAH 3:1

Khanpughi ah m’kyuk nak khan khai cu a i ang, ci cu kei naw ka hmat ci.