SAM 101:5 - Cho Bible Common Language 2016

⁵ Chang tumat mat akshe ah m’thüi nak ciah chang cu, kei naw ka nawng khai; chang ah ng’shei ne, chang yaw k’she nak cicu kä ka hnim gei khai.

SAM 101:5 Referans Kwoze

SAM 18:27

M’lung neim ci gui cu na hun gui ci, m’ghänce ci gui cu na ng’neim sak ci.

SAM 15:3

Chang kä pyen m’shet ciah kyak ci. Ani cu a teih püi phi kä katnak ci, paw chang phi kä züi cha ciah kyak ci.

NG'THU K'THUUK~ 30:13

Mi mät naw ami mät ni aih ciah ngai ciah chang gui om ci — a i hlawk ah kami nik ci ang? cine ami mät naw ngai ci gui.

SAM 50:20

Nang cu na mät ah phäi nau ng’küknet püi ne, na ng’vok ng’shan püi ci.

TITUS 2:3

Acun ah mäih ah hnumi ng’vaiba gui phi theingcim ciah ghin nak a om vai ah nam cäi gui vai nei. Ngami cu chang ah thang m’shet ci gui, kä cun ung yu ah khleihtein gui ah kä ami kyak en vai nei. Akni phung m’theithang ba thei ciah ami kyak vai nei.

1 KORIN 5:11

Kei naw ka pyein hlü cu kei khritha nei ci netah pletbeng ci gui, ng’yak hlü nak aih om ci gui, a gup hkawihnah ci gui, m’thüikhang ci gui, awktat ci gui, la m’guk ci gui awn kä nami kawng ät vai ah ka pyein ah kyak ci. Cun ah chang gui awn atäng ah ei awk vai ah ngoh ah phi kä nami ngoh en tu vai.

LUKA 18:14

Kei naw ka ning m’thein gui cu, cun ah akhawnlook cu akat nak k’phiawn sei a im ah hteit ba ci, pharisee läi cu akat nak kä k’phiawn ci. A i ah kyasei ci ung, amät naw amät m’hlüngtai ci cu neim saknak gah khai, amät naw amät neim sak ci cu m’hlüngtai nak gah khai” cine m’cäi gui ci.

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

NG'THU K'THUUK~ 20:19

Ng’pyen sak nak naw a i ka m’yih hlawt ci, Ng’thu akda ah pyen thei ci awn ng’shawng ne nami om vai.

EZEKIEL 22:9

Nami chang amshah gui naw chang ah mawng ami hleei pyen ne, sih nak ung gawk sak ci gui. Amshah naw agup gui am douthak ah khawihnah nak cu ei ci gui. Amshah gui cu akphlüt ah ng’yaw kawh ne ng’büh ci gui.

ISAIAH 2:11

Chang k’om nak ah khin ang pyi nak vai la chang ah ng’shei nak a dishum nak vai aha hnüüp cu gawk lawk ci nei. Bawipa amät bäng cu m’hlüngtai nak om khai net.

NG'THU K'THUUK~ 25:23

Siip khokhi naw kho k’aa a law püi ah mäiha ah chang pyensak nak naw m’lungshe nak law püi ci.

NG'THU K'THUUK~ 10:18

A thüigen nak thup ciah chang cu hleei ciah kyak ci, ng’pyen sak ciah chang cu gu ang ciah kyak ci.

SAM 138:6

Nang cu khan ah na hlüngtai aih pang ung phi, Ng’nei ci gui cu na tengkhen gui ci, chang ah ng’shei ci gui cu nang ah ma ah kä ng’thup hlawt ci gui.

1 SAMUEL 2:3

M’lau ne na längtang nak cu ng’düm ä; Na khähghah nak ah ng’thu cu m’dim ä. Bawipa cu hmuhmat ciah Khanpughi nei, ani naw chang gui ah bi avan m’khoi chak ci.

TAIGÜTHUM 19:16

A u chang ah mawng phi hleei ne kä ngak vai. Chang tumat cu a hnun gui ah phäh ah yung ah angceet ah a kyak ung, na saksi nak naw m’htei tu hning vai ah a kyak ung, na ng’thu tu vai. Kei cu Bawipa nei.

PHYAWN NAK 23:1

“Ng’thukshe cu kä na k’püi tu vai, ng’thukshe awn saksi ne changshe kä na gun tu vai.

PHYAWN NAK 20:16

“Hleei pyen ne kä na saksi vai.

1 TIMOTHI 3:11

Ami chu gui cun phi akni ah m’lung ngaih om ih ci gui ah a kiak vai, khleei khlam ci gui ah kä kyak en sä. Ciimvai lunglang ne, ngaih gep vai ah chang ah ami kyak vai.

NG'THU K'THUUK~ 21:4

Chang shekha gui cu chang om nak la yoshe nak naw k’pang gui ci. Cun cu katnak ah kyak ci.