SAM 100:5 - Cho Bible Common Language 2016

⁵ Bawipa cu nik ci; A m’hni nak cu ng’täi ci, Ani ah bekhüt nak cu kä ng’pyi hlawt phung ci nei.

SAM 100:5 Referans Kwoze

SAM 106:1

Bawipa cu m’taam nei! Bawipa cu m’hlüngtai vä, Ani cu nik ci, am hni nak cu ng’täi ci nei.

SAM 107:1

“Bawipa cu m’hlüngtai vä, ani cu ni aih ci; am hni nak cu ng’täi ci nei!”

SAM 86:5

Nang cu na nik ci, na na m’gein sei gui ci, nang ah taigü ci van ah khan ah na m’hni nak akbe om ci.

SAM 36:5

Bawipa, na m’hni nak cu khankho ah khüt ne, Na bekhüt nak naw khomik pha ci nei.

JEREMIAH 33:11

Zeikiai nak, hüithaw nak, hta m’um pawi ung yeikyai nak gui nami ng’zaba khai. Chang gui naw m’hlüngtai douthak nak kei ah Taigüim ah law püi ne ng’äi ami m’cu cu nami ng’yak khai; Ngami naw pyen khai gui, ‘M’gäi ciah Bawipa cu m’hlüngtai vä, a i ah kyasei ci ung ani cu nik ci, am hni nak cu ng’langtäi ci.’ Kei naw shin ah khaw cu a cau kaa ah mäih ah bühmang khai ah ka pyang khai, kei, Bawipa naw ka pyen nei.

1 SHONTÄP NAK 16:34

Bawipa cu yei na vä, ani cu nik ci nei; ani ah m’hni nak cu khonglän ci nei.

SAM 103:17

Cun ung phi Bawipa m’taam ciah chang ah hmawk ah, ani ah m’hni nak cu kä ng’pyi hlawt ci, Ani ah ni nak cu hta ng’shon avan ung khäng lä ci.

LUKA 1:50

Ani m’tamkhah ci gui ah khan ah ang shon päng ung am gein nak cu dang sak ci.

NAHUM 1:7

Bawipa cu nik ci; Khüikha nak a gawk law ung A chang gui cu shungshet gui ci, Ani täng ah ng’hlat lawk ci gui cu, ani naw m’htei gui ci.

SAM 119:68

A i hlawk ah na nik ci, a i hlawk ah na bä ci ang! Na thumkhän cu na m’thei ä.

SAM 107:22

Ngami naw yeikyai ne vawih peh u ne, ani ah bi gui avan cu yei nak ng’äi awn pyen u sä.

SAM 107:8

Bawipa ah ng’täi ciah am hni nak la ngami ah hmawk ah cäicat vai gui abi ah phäh ah m’hlüngtai u sä.

SAM 85:10

M’hni nak la bekhüt nak cu ng’chum ni ne, düng nak la dimdeeih nak cu ng’pawng khai goi nei.

EZRA 3:11

Ngami naw Bawipa m’hlüngtai nak ng’äi m’cu u ne, leng ba ba ne m’cu ci gui. Bawipa cu nik ci, ani naw Israel gui am hni nak cu khongtäi ci nei. Chang päng naw aktha avan la ne Bawipa cu m’hlüngtai ne m’lau ci gui. A i ah kyasei ci ung Taigüim ang nei cu tün ne m’düih ne bi pyi ah kyak ci.

TITUS 1:2

Cun ah yum nak cu angtäi ghin nak ah mawng ngaih u nak ung phung ci. Kä hleeihlak ciah Khanpughi naw cau akhin kä a ng’tüi pha ge ung, angtäi ghin nak cu na pe gui khai ah shai a taak nak om ci.

SAM 52:1

M’gäi ciah chang shetkat nak awn a i ah kyasei na khähghah ang? Khanpughi ah bekhüt nak cu ng’lang täi ci nei.

MIKHAH 7:20

Cau kami pupa gui ung na shaitak ah na bekhüt nak la na m’hni nak cu Abraham la Jakob ah hta ng’shon, na chang gui am na m’dang khai nei.

SAM 107:15

Ng’täi ciah am hni nak la ngami ah hmawk ah cäicat vai gui abi ah phäh ah Bawipa cu m’hlüngtai u sä.

THULÄÄN NAK 7:9

Bawipa nami Khanpughi cu atumat bäng Khanpughi la bekhüt ci, cicu nami shüm ba vai. Ani naw thukhän cu k’pang khai. Ani m’hni ne ang thumkhän läk ciah chang gui ah khan ah ani naw ng’shon phia khak ung am hni nak cu m’dang khai.

SAM 146:6

Cun ah Khanpughi cu, khankho la khomdek ni, tuinu ni, a cun gui ung om ci gui avan cu tüisho ciah kyak ci. Ani naw angtäi sei a shaitak cu k’pang ci;

SAM 25:8

A i ah kyasei ci ung Bawipa cu ng’düng ci, nik ci, Ani naw cheisho ci gui ami hteh nak vai lam m’thei gui ci.

SAM 138:8

Nang naw na shaitak phung cu na bik khai; Bawipa, na m’hni nak cu ng’täi ci nei. Na bi mawng ah bi cu pyi phleh ne na bik khai nei.