SAM 100:3 - Cho Bible Common Language 2016

³ Bawipa cu Khanpughi ah kyak ci, ciah hmuhmat vä. Ani naw na tüisho gui sei, ani ung mi om ci; mikmi cu ana chang gui, ana htome gui ah mi kyak ci.

SAM 100:3 Referans Kwoze

SAM 46:10

Ani naw, “Ng’tuk nak ung düm vä, kei cu Khanpughi ah na hmat vä, changpakhui gui ah khan ah ka hlüngtai ci, khomdek khan nüng ung ka hlüngtai ci.

SAM 119:73

Nang naw na tüisho ne, phyawn vai ah na na shung ci; Hmuhmat nak na peä, cun ung na thukhän cu ka ng’thei thei khai.

EPHESIAN 2:10

Bawi Khrit awn kawng ät ne, Khanpughi naw am hnüt bäi ah om k’ni nak ah mäih ah mi om ih vai ah, Khanpughi naw a na tüi sho gui ah kyak ci.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

1 PETER 4:19

Cun ah kyasei Khanpughi ah ang yak hlü ah geinvai nak gah ciah chang gui cu, akni ah hnüntho u ne, angtäi sei a shaitaak küm ciah Pushihpi ah ami ghin nak avan ng’ap u sä.

SAM 149:2

Nami ng’tüibawi ah hmawk ah Israel chang gui yei vä; Nami ghangpughang ah hmawk ah Zion chang gui yei vä;

THULÄÄN NAK 4:39

Cun ah kyasei tuhngawi nami shüm ba vai, kä nami m’hnih vai, khankho la khomdek ung Bawipa cu Khanpughi nei, a hei khanpughi kä om ci.

THULÄÄN NAK 4:35

Bawipa naw shin cu ning hmuh sak gui ci, nami hmat vai cu, ani bäng Khanpughi om ci.

1 PETER 2:25

Nangmi cu lam hma ne maih ciah htome ah mäih ah nami kyak ci, cun ung phi nami m’lung ning shum gui ciah Htoshäm ah ma ah nami gawk law ba pyi ci nei.

SAM 79:13

Kemi na na chang gui, na htome bum gui naw, ang’täi sei ning yei na u ne, ngawi yä kami ning m’hlüngtai khai nei.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

SAM 78:52

Cun kawn ah ani naw akchang gui cu, htoshäm ah mäih ah khah püi gui ne, bungpuk phlan ne hteh püi gui ci.

EZEKIEL 34:11

“Kei, uktu Bawipa naw ka ning m’thein gui ci, kei ka mät naw ka htome gui ka shui ba khai, ka m’htei htang gui khai.

JEREMIAH 10:10

Cun ung phi nang, Bawipa, cu Khanpughi akcang nei, nang cu ghing ciah Khanpughi, angtäi ghing ciah ghangpughang nei. Nang na m’lungshe ung khomdek cu thüng ci, nang ah m’lungshe cu changpakhui gui naw kä näng ci gui.

ISAIAH 63:19

Nang cu keimi ah uktu ah kä na kyak ciah mäih ah, keimi cu nang ah chang ah kä kami kyak ciah mäih ah, na na om püi gui ci nei.

ISAIAH 63:11

Cunung phi ngami naw azän nä ka, Bawipa ah changshäm, Moses ah akhin cu shüm law ba neta, ngami naw ng’shik ci gui, “Tuinu ung ka, a chang gui ah ami ng’vai gui hun gui ciah Bawipa cu tuhbäi a hawi ang? A mümcha Moses

2 GHANGPUGHANG GUI 19:19

Tuhbäi, Bawipa mi khanpughi naw, Assirian gui ah kut ungka na gung gui ci nei. Cun ah kyasei khaw ah ka ung chang pakhui avan naw O Bawipa, nang bäng Khanpughi ah na kyak ciah hmat ci nei.

THULÄÄN NAK 7:9

Bawipa nami Khanpughi cu atumat bäng Khanpughi la bekhüt ci, cicu nami shüm ba vai. Ani naw thukhän cu k’pang khai. Ani m’hni ne ang thumkhän läk ciah chang gui ah khan ah ani naw ng’shon phia khak ung am hni nak cu m’dang khai.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

THUSHÄUTU 12:1

Nami hmaw chang yah ung, kä yei nak vai ah khohnüüp la kho kum gui kä ah gawk law pha ung, ning tüisho gui cicu shüm vä, a cun a gawk law ung nangmi naw, “Kä ka yeikyai ci nei” nami cik khai.

SAM 95:3

Bawipa cu m’gäi ciah Khanpughi, khanpughi gui avan ah khan ah m’gäi ciah ghangpughang nei.

SAM 12:4

“Mi ng’thu awn mi m’hni cu mi gah ci. Mi ng’yak hlü cu mi pyen ci, a u naw kä na ng’düm sak gui hlawt ci” cik ci gui.

JOB 10:3

Ana ah na shekhak ciah na mät lüng naw na na k’shekdam nak la changshe gui ah bilawh nak gui ung na hmai kyang cu hman ne maa?

PHYAWN NAK 6:7

Nangmi cu ka mät ah chang ah ka ning pyang gui khai, kei cu nangmi ah Khanpughi ah ka kyak khai. Egypt khaw, khleihtein ungka ka ning m’hlawt gui kawn ah, kei cu Bawipa, nami na Khanpughi ah nami hmat khai nei.

THULÄÄN NAK 32:6

Nang naw Bawipa na om ih püi cu a shik cha ah ma? Nang chang gu taak, chang awng ang, Ani cu nami pa, ning tüisho gui ci. Ani naw changpakhui ah ning pyang gui ci.

THULÄÄN NAK 32:15

“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.

1 SHONTÄP NAK 16:14

Bawipa cu mi Khanpughi nei; ani ah thumkhän gui cu m’dek ah khan van ah phäh ah kyak ci nei.

ISAIAH 64:7

A u phi taigü ne nang ah kä ng’hlat lawk ci; a u phi nang naw na m’htei vai ah kä hteit ci. Keimi kami hmakat ah phäh ah, nang naw na na nawng gui ci, kei mi ung ka na ng’thup ci.