SAM 100:2 - Cho Bible Common Language 2016

² Bawipa cu yei ne khawihnah vä; yeikyai nak ng’äi awn ama ah law vä!

SAM 100:2 Referans Kwoze

PHILIPPIAN 4:4

Nang mi cu Bawipa ung nami ghin nak awn yeikyai vä, ka pyein ba mä cu yeikyai vä!

SAM 71:23

Kei naw yei ne m’lau ne ka tum khawng khai; Na na hun pyi ah kya sei ka ghin nak avan awn ng’äi ka m’cu khai.

SAM 95:2

Law vä, ama ah mi m’hlüngtai khai, yeikyai nak ng’äi m’cu ne mi m’taam khai nei.

THULÄÄN NAK 28:47

Bawipa naw lam a päng ung hriham ning pe gui ci. Cun ung phi nangmi naw yeikyai nak la lünlawi nak ah m’lung awn abii kä nami bik ci.

SAM 42:4

Yan ä ka gui ka shüm ba ung ka m’lung so ci nei, Kei cu chang hli awn atäng ah Khanpughi ah im ah ka hteh yah ung, ami m’hni ah hteh sak gui yeikyai ciah chang hli naw ng’äi m’cu ne, m’lau ne, Khanpughi m’tam ci gui nei.

THULÄÄN NAK 12:12

Ani ah ma ah nami yeikyai vai, nami hta nau gui, nami changshäm gui la nami gawnu ung om ciah Levit gui awn a täng ah; Levit gui ung ami mät ah kaa vai khaw kä om ci, cicu nami shüm ba vai.

THULÄÄN NAK 16:11

Bawipa ah ma ah yeikyai vä, nami hta gui, nami changshäm gui la Levit chang gui, a khaw hei chang gui, hmei hta gui, hmeinu gui, nami gawnu ung om ci gui a täng ah yei vä. Cun cu khawihnah nak hmun tumat ung bi vä.

THULÄÄN NAK 16:14

Nami hta nau gui, nami changshäm gui, Levit gui, khaw hei chang gui, hmei hta gui, hmeinu gui, nami gawnu ung om ci gui nami van a täng ah yeikyai vä.

1 GHANGPUGHANG GUI 8:66

Ak hnüüp cheit hnüüp ung Solomon naw chang gui ami im ah tüi ba gui ci. Bawipa naw akchang David la akchang gui Israel gui am a pek gui ah hriham avan ah phäh ah ngami naw ani cu m’hlümtai u ne im ah zeikia u ne hteit ba ci gui.

2 SHONTÄP NAK 31:2

Ghangpughang Hezekiah naw taigü gui la Levit gui ah ami ng’bunghtawi nak phi m’hnüt pyan pe gui ci, acun ah ka ah tumat ci naw ng’shung khai ah ami bi vai kyak ci. Acun ung m’khih ne douthak nak la khawtsheng douthak nak, Taigüim kyong ah khawihnah nak ung bi amshah la Taigüim avan ung m’hlümtai nak la yeikyai nak gui om ci.

2 SHONTÄP NAK 29:30

Ghangpughang la pakhui ung ami ng’vai gui naw, Levit gui ami pyen nak gui cu, David la prophet Asaph ah guk ah ng’äi gui cu Bawipa am ami m’cu vai ah pyen na gui ci gui. Cun ah kyasei chang nü naw akdämduh ah yei ne ng’äi m’cu ne m’khukdong ne, Khanpughi khawihnal ci gui.