SAM 100:1 - Cho Bible Common Language 2016

¹ Khomdek chang avan naw Bawip ah ng’äi m’cu vä!

SAM 100:1 Referans Kwoze

SAM 98:4

Khomdek van naw Bawipa am yei ne ng’äi m’cu vä; Ng’äi m’cu ne m’taam ne m’lau ne yei vä!

LUKA 19:37

Jerusalem gawnu ang et law nak, Olive m’htung yuk khum nak lam ah a khahpüi law tuk ci gui ami van cu cäicat vai gui ami hmuh ah phäh ah Khanpughi ah ming cu m’lau ne m’hlüngtai ne yeikyai ci gui.

ZEPHANIAH 3:14

Zei ne ng’äi vä, Israel chang gui! Na m’lung kyong avan yeikyai ä, Jerusalem!

SAM 32:11

Nangni düng ciah chang gui, Bawipa ah bi ah hmawk ah yeikyai vä. Ani ngai ciah chang gui yei ne m’lau vä.

ROMAN 15:10

Cun kawn ah a pyein ba mä cu; “Chang pakhui hei gui, Khanpughi ah chang gui awn a täng ah Zeikiai vä,” ciah kyak ci.

SAM 66:1

Chang avan naw yei ne m’lau ne Khanpughi cu m’taam vä!

THULÄÄN NAK 32:43

Chang pakhui gui, nangmi naw Bawipa ah chang gui cu nami m’tam khai, Ngami ngawn gui cu avan ani naw m’kyuk khai. Ani naw aga gui ah khan ah phu tuk ci, A chang gui ah katnak cu geinsei gui ci.”

SAM 145:1

Ka Khanpughi la ghangpughang, na dämduh nak ah mawng cu ka ng’shäu khai nei; kho ng’län ung ka ning m’hlüngtai khai nei.

SAM 47:1

Chang avan naw yei ne nami m’ya k’phyawk vä! M’lau ne ng’äi ne Khanpughi m’taam vä!

ZEKHARIAH 14:9

Cun kawn ah Bawipa cu khomdek khan avan ung ghangpughang ah kya lawk khai; chang päng naw Khanpughi ah kyak ci, cine khawihnah khai gui, acun ah ming cu hmat khai gui.

SAM 67:4

Chang pakhui avan yeikyai ne ng’äi m’cu u sä; A i ah kyasei ci ung nang naw dü khai ah na m’khoi m’chak gui ci, khomdek khan ung changpakhui avan lam na m’shüm ci.

SAM 66:4

M’dek khanchang nü naw ning khawihnah ci; Ngami naw ng’äi m’cu ne ning taam ci gui, ngami naw ng’äi m’cu ne na ming m’taam ci gui.”

SAM 47:5

Khanpughi cu a mang kiang ung hang kai ci, Bawipa a hteh sangung, yei nak m’lau k’aw la phyung heng tum k’aw cu ng’shan ci.

SAM 68:32

M’dek khan ung kho päng gui, Khanpughi ah ng’äi m’cu vä, Bawipa m’taam ne ng’äi m’cu vä,