SAM 10:7 - Cho Bible Common Language 2016

⁷ Ang’thu cu ng’plah tang, hleeihlak, shedam nak awn be ci. Ani cu ng’thushe, shai kaa ah thu ghet ci.

SAM 10:7 Referans Kwoze

SAM 7:14

Teng vä, a i hlawk ah changshe gui naw akshe ah m’lung ngai u ne; Khüikha nak pawng püi ne, chei khai ah ami bi gui cu!

JOB 20:12

Tuihlim ciah akshe cu ani ung ni aih sei ani naw cun cu am gawng ung m’küüp ne yei ci.

SAM 144:11

M’gäim’ce ciah ga gui ung na hun ne; akho hei chang gui ah huham ungka na gung ä, Ngami cu ami cang kä pyen phung u ne, ami hleei pyen ne ng’tam ci gui nei.

SAM 140:9

Ka ga gui cu kä näng sak en gui ä; kei ah khan ah akshe ami bi cu ami mät ah khan ah kya ba sä.

SAM 140:3

Ngami ah m’lei cu sih nak ah k’phyu ah mäih ah kyak ci; Ngami ah ng’thu cu m’htung k’phyu ah m’äm ah mäih ah kyak ci.

SAM 73:8

Ngami cu chang gaih tu u ne akshe ah pyen ci gui, Ngami cu m’gäi u ne chang shedam nak vai bäng pawngpüi ci gui.

SAM 64:3

Ami m’lei cu chim ah mäih ah m’ghü ci gui, ami thushe cu m’la ah mäih ah kyak ci.

SAM 59:12

Ami m’gawng ung katnak om ci, ami thu avan cheishoh ci, ami chang om nak naw pha gui sä, a i ah kyasei ci ung ngami cu ng’plah täng hleei hlak ci gui.

SAM 52:4

Thuvi ciah chang, nang cu na ng’thu awn chang m’di vai ah m’hni ci.

SAM 36:3

Ani ah ang thu cu ng’thu she ah kya ne, hleei nak awn be ci; Ani naw cüivai nak la nikiom nak cu kä bi ba ci.

MATTHE 12:34

K’pyu m’äm mah gui, nangmi cu changshe ah nami kyak ci kya ne, a i hawk chaa ah ak ni ah nami ng’thu hlawt khai aw? M’lung kyong ah be ne om cicu m’gawngshai ung ng’thu ah lut lawk ci.

JEREMIAH 9:3

Ngami cu akphlüt ah hleei pyen ge vai ah om ci gui; Düng nak ah hnün ung kä ng’düng nak gui naw kho uk ci. Bawipa naw pyen ci, “Ka chang gui naw akshe cu tumat ng’pyi sei tumat bik ci gui, kei ami na Khanpughi ah käng kiaa man ci gui.”

ISAIAH 59:4

Nangmi cu yung ah nami hteh ung phi, taga khai ah a i kä nami bik ci. Amawngma ung nami näng vai düt ah nami hleei ci. Nangmi naw chang ah mat nak vai cu pawng püi ne nami law püi ci.

NG'THU K'THUUK~ 30:8

Hleeihlak nak ungka nak pang ä, Kä na pyam sak, kä na mang sak en ä. Cun ah kyasei ka ng’yak hlü ng’büh khai ah ei vai bäng na pe ä.

NG'THU K'THUUK~ 21:6

Kä düng nak awn na gah ah bühmang nak cu angghit ah maih ba khai. Acun naw sih nak ah m’kawt ung ning hteh püi khai.

SAM 144:8

Ngami cu ami cang kä pyen phung u ne, ami hleei pyen ne ng’tam ci gui nei.

SAM 62:4

Nang bäng naw ani cu m’tamkhah nak ah hmun ungka chah vai ah na ng’ya hlük ci. Nang na hleei pyen ne na yeikyai ci. Na shai awn hriham thu na pyen ci, cun ung phi na m’lung kyong ah ani na ng’plah ci.

SAM 58:3

Changshe gui cu ami ghin ah chuih hma kat ci gui; ami ng’tüi law ge ung ami hleei pyen ci gui.

SAM 55:21

Ani ah ang thu cu suuktui ah hnip pi ci, cun ung phi am lung kyong ah thüi nak om ci; Ani ah angthu cu situi mäih ah a dän ung phi, chim ah mäih ah ghat ci.

SAM 41:6

Kei na teng lawk ci gui cu kä ng’awi gi ci gui; Ngami cu ng’bum u ne, kei ah mawng akshe ah pyen ci gui, ami hteh nak päng ah ngak ci gui.

SAM 12:2

Chang gui cu tumat naw tumat m’hleei sei; Ami thu a hei, ami ngaih a hei ah kyak ci gui nei.

SAM 5:9

Kei ah ka ga gui ah thu ung bekhüt nak kä om phung ci; Ngami naw ah m’di hlü bäng ci gui. Ngami ah ng’thu cu ng’awi gi müi ne, hnip ci, Cun ung phi chang m’di nak ah hleei awn be ci.

JOB 15:35

Cun ah chang gui cu chang m’thüi m’khang na ne, akshe bik ci gui ah kyak ci. Ngami ah m’lung cu angtäi sei m’thüi m’khang nak awn be ci.

SAM 50:19

“Nang cu angtäi sei thu k’she ah thu ne, akshe na pyen vai kä na geing na phung ci.

SAM 59:13

Na m’lung she nak awn m’di gui ä, ami van m’di gui ä. Cun ung Khanpughi naw, Israel kho a uk la, khomdek khan van m’shawng ne a uk cu hmat khai gui nei.

AMOS 8:4

Ngai vä, dukhaih ci shedam na ne, pyamtham ciah khaw m’di ciah chang gui.