SAM 10:5 - Cho Bible Common Language 2016

⁵ Changshe cu a päng ung näng ci Khanpughi ah ng’thumcha nak cu kä hmat hlawt ci; a ga gui phi m’lep gui ci.

SAM 10:5 Referans Kwoze

ISAIAH 26:11

Nang naw na m’kyuk gui vai cu na ga gui naw kä hmat ci gui nei. Bawipa, ngami cu lü ng’a sak gui ä, yaica sak gui ä; Nang naw na pawng püi ah m’kyuk nak awn ngami cu yaica sak gui ä. Na chang gui a i hlawk ah na m’hni gui cu m’dang gui ä.

SAM 12:5

Bawipa naw, “Cun ung phi tuhbäi kei ka lawk khai,” A i ah kyasei ci ung, dukhaih ci gui ami shedam nak, dukdeiu ci gui ah m’lau ng’pyan ah hmawk ah kyak ci. Ngami am ami ng’yak hlü ah m’lung üp nak cu ka pe gui khai.

ROMAN 3:16

Ami gawk nak päng ah ngami ah kut awn shetkat dimaih nak om ci;

HOSEA 14:9

Shin ung guk cu cüvai ciah chang gui naw hmuhmat u sä, Ami m’lung kyong ung tha u sä. Bawipa ah lam cu düng sä, Düng ciah chang gui naw acun gui läk ne ghing ci gui. Cun ung phi kat nak bik ciah chang gui cu ng’vawn ne kyuk ci gui. A i ah kyasei ci ung cun gui cu a i ah kä ami sui ah phäh ah kyak ci.

HOSEA 9:9

Ngami cu kibeah ung ami om ah mäih ah ami bi nak phung ung ngaih u vai kä om khai ah shekat ci gui nei. Khanpughi naw ngami ah kat nak cu shüm gui ne, a cun ah phäh ah m’kyuk gui ci. Israel gui ah kat nak la A cun ah aphu gui.

ISAIAH 42:25

Cun ah kyasei am lungshe nak ah aktawt cu mi gah ne, ng’hnüüt ciah ng’tuk nak ung mi yai ca ci. Ani ah m’lungshe nak naw Israel khaw avan cu mei ah mäih ah ui ci. Acun ungka, mikmi naw mi ng’thei nak a i phi kä om ci.

ISAIAH 28:15

Nangmi cu sihnak awn ng’thu nami k’bäi ciah pyen ne, sihnak ah khaw awn nami yum ät ciah pyen ne, nami khähghah ci nei. Nangmi naw leigai a gawk law ung ning hlawi gui khai ah nami ngai ci, a i ah kyasei ci ung, nangmi cu nami hleei hlak lima nak awn phiawn vai ah nami ngai ci.

ISAIAH 10:1

Nami khaw mü ci nei! Nangmi naw kä taga ciah thukhän nami pyang ci, a cun naw ka chang gui shedam nak ci.

ISAIAH 5:12

Nami zu im ung hting ni k’vei ni, phiphät ni — zu ni nami mang ci. Cun ung phi Bawipa naw a i a bi cu kä nami hwat ci,

NG'THU K'THUUK~ 24:1

Changshe gui kä nami vamneng nak vai, ngami awn ng’khawt vai ah phi kä nami tha nak vai.

NG'THU K'THUUK~ 15:24

Cuivai ciah chang gui cu ghin nak ah hang kai nak ah lam ung hteit ci gui, sih nak ah yu ktum nak ah lam ung kä hteit ci gui.

NG'THU K'THUUK~ 2:15

Kä chang man, yum nak kä om hlawt ciah chang gui ah kyak ci.

NG'THU K'THUUK~ 2:13

Cun ah chang gui cu düng ciah ghin nak nawng u ne, katnak ah khawmü ung om ci gui ah kyak ci.

NG'THU K'THUUK~ 1:19

Gut tep ah khawh naw gut tep ci gui ah ghin nak cu m’dang ci. A cun naw gut tep cicu m’sih ci.

1 GHANGPUGHANG GUI 20:13

Cun yah ung prophet tumat naw ghangpughang Ahab ah law ne a pyen law cu, “Bawipa naw pyen ci, shin ah gakap gui cu kä na kyih en vai! Tuhngawi kei naw nang am ngami ah khan ah näng nak ka ning pek khai, cun ung kei cu Bawipa ah ka kyak ciah nang naw na hmat khai.”

2 SAMUEL 5:6

Ghangpughang David la ak chang gui naw Jerusalem ami tuk nak vai ah akhin cu gawk lawk ci. A cu ah om ciah Jebusit chang gui naw, mang gaw cu David naw tu ne kä m’khüt khai ah ngai ci gui, cun ah kyasei ngami naw ani am “Shin ah mang gaw ung nang kä na lawk khai: amik m’dauh la akshum gui naw phi ning ma nak khai gui” cik ci gui.

SUKI GUI 9:38

Cun kawn ah Zebula naw ani am, “Ak ghuih ah na ng’thu gui ca a hawi ang? Shin ah chang Abimelek ung a i ah kyasei mi ng’bi ang cik cicu nang ngah maw. Shin gui cu nang naw na gaih tu ah chang gui nei. Atuhbäi hteit ne tu gui ä” cik ci.

SUKI GUI 9:27

Ngami ami van ami sapyit lo ah hteit ci gui, sapyit theih bit u ne, sapyit tui pyang ci gui, cun kawn ah pawi bik ci gui. Ngami cu ami Khanpughi ah pum im ah hteit u ne, a cu ah ei aw u neta, Abimelek ah mawng pyen ne gaih ci gui.

ATÜNNAK 6:12

Khanpughi naw m’dek khan cu teng neta, akshe ah kyasei hmuk ci. Khomdek khan ung chang gui cu cheishoh yawp ci gui.

JOB 24:23

Khanpughi naw ani cu üp oi nak pe hngaw khai, cun ung phi ani cu teng keng geng khai nei.

SAM 73:3

A i ah kyasei ci ung changshe gui bämang ne ami khawhmah ah hmawk ah kei cu ka m’thüi m’khang ci.