SAM 10:16 - Cho Bible Common Language 2016

¹⁶ Bawipa cu ng’shon ng’län ung ghangpughang ah kya ci, A hei khawihnah ci gui cu akho ung maih sak gui khai.

SAM 10:16 Referans Kwoze

1 TIMOTHI 1:17

Ang täi ah ghing ciah Ghangpughang, sih nat nak kä om ci, mik awn kä hmuh thei, tumat bäng ah Khanpughi cu — m’tam khah nak la bämang nak awn hta ng’shon ung om sä! Amen.

SAM 29:10

Bawipa naw tui thuuk phi avan uk ci, ani naw ghangpughang ah kya ne angtäi sei uk ci nei.

JEREMIAH 10:10

Cun ung phi nang, Bawipa, cu Khanpughi akcang nei, nang cu ghing ciah Khanpughi, angtäi ghing ciah ghangpughang nei. Nang na m’lungshe ung khomdek cu thüng ci, nang ah m’lungshe cu changpakhui gui naw kä näng ci gui.

DANIEL 6:26

Ka uknak ah khaw avan ung thukhän ka bik ci nei, Daniela ah Khanpughi cu chang nü naw a kyih vai nei, a chang m’sui vai nei. “Ani cu ghing ciah Khanpughi, Ani naw khonglän ung uk khai nei. Ani ah uknak khaw cu a i naw kä m’di hlawt khai nei, ani ah huham cu kä ng’pyi hlawt khai nei.

DANIEL 4:34

“Khokum chih ang pyi kawn ah ghangpughang naw, kei naw khankho mik cu han dan neta, ka ng’shüm nak gawk law ba ci. Kei naw hlüngtai ciah Khanpughi cu m’hlüngtai ne, angtäi ghing ci am m’tamkhah nak la bämang nak cu ka pek ci. “Ani naw khonglän ung uk khai nei, Ani ah uknak kho cu ngawiyä om khai nei.

SAM 145:13

Na uknak cu ng’täi ci, kho ng’län ung ghangpughang ah na kyak ci. Bawipa cu a shaitak ung bekhüt ci; a hnünthawh nak phung ung chimgein nak om ci.

THULÄÄN NAK 8:20

Bawipa ah thu kä nami läk ah a kyak ung, ami ma ung ani naw am di law gui vai ah pakhui gui ah mäih ah nangmi phi ning m’di gui khai.

NG’ÄI KYAH 5:19

Cun ung phi nang, O, Bawipa, nang cu khonglän ung ghangpughang ah na kyak ci nei. Nang naw khaw akhin ang pyi nak ung khüt sei na uk khai nei.

ISAIAH 33:22

Cun ah htinpaw ung gui gui avan cu akholä ah kyak ci; yih dung gui cu kä ng’phiaat hlawt ci! Mikmi naw ga gui ah khawhcham avan cu mi gut khai, cun gui cu da aih sei, shumng’kem ci gui naw phi gah tuk khai gui Bawipa amät cu mi ghangpughang ah kyak khai; ani naw mikhan ah na uk gui ne, na shungvong gui khai.

SAM 146:10

Bawipa cu kho ng’län ung ghangpughang ah kyak ci nei. O Zion, Na Khanpughi naw kho ng’län ung uk khai nei. Bawipa cu m’tam nei!

SAM 93:1

Bawipa cu ghangpughang ah kyak ci. Ani cu huham la thamah nak suisak ci. Khomdek cu a hmun ung khäng ne, kä hnün hnawk hlawt ci.

SAM 78:55

Ani naw ami ma ah ana om ci gui cu k’täm gui ne, ami khaw cu Israel pakhui gui-am k’pai gui ne, ami im gui phi ak chang gui am pe gui ci.

SAM 9:15

Chang khuihei gui cu thai co u ne, a cun ung ng’kyak ci gui nei, Ami mät ah cun ung ami mät awk ci gui nei.

SAM 9:5

Nang naw chang khuihei gui m’kyuk gui ne Changshe gui na m’di gui ci, ngami cu a ngawi ah phi a u naw kä shüm gui khai.

PHYAWN NAK 15:18

Nang Bawipa cu ngawi yä ghangpughang ah na kyak khai nei.

1 SHONTÄP NAK 29:11

Nang cu dämduh ne, huham mah ne, bämang ne, chünla ne, m’gää ciah na kyak ci. Khankho la khomdek ung avan nünü cu nang ah ka ah kyak ci nei, nang cu ghangpughang, avan ah khan ah m’gääi ciah uktu ah na kyak ci.

SAM 9:8

Ani naw düng nak awn m’dek khan cu uk ci nei; Pakhui cu taga khai ah m’khoichak ci nei.