SAM 10:14 - Cho Bible Common Language 2016

¹⁴ Cun ung phi nang naw na hmuk ci; Khüikha ci la gein vai cicu na hmat ci, na m’htei ge khai ah na om ci. A m’gein kaa cicu nang ung ng’ap ci gui, nang naw geinvai cicu angtäi sei na m’htei ci.

SAM 10:14 Referans Kwoze

SAM 68:5

Theingcim ciah Taigüim ung om ciah Khanpughi naw hmei hta gui cu tengkhen gui ne, hmeinu gui cu m’hteihtang gui ci.

SAM 146:9

Ani naw mi kho ung om tuk ciah khin gui cu shungvong gui ci; Ani naw hmeinu gui la hmei hta gui cu m’htei gui ci, cun ung phi changshe gui cu ami di vai ah m’shet gui ci.

HOSEA 14:3

Assiria naw kä na hun gui hning ci. Ng’tuk ciah ng’se gui naw kä na shungvong gui hning ci. Keimi naw kami pyan ah agup gui am kami Khanpughi ah kä kami pyen ba khai. O Bawipa ami ng’hlah shi vai kä om ci gui ah khan ah na chimgein nak m’dang ä.”

JEREMIAH 49:11

Nami hmeihta gui nawng shüt vä, kei naw ka m’htei gui khai. Nami hmeinu gui cu kei ung shungshet u sä.

SAM 55:22

Na khüikha nak cu Bawipa ah ma ah chah ä, ani naw ning shung khai nei; düng ciah chang cu chang hei gui am kä hnim sak gui phung ci nei.

THULÄÄN NAK 10:18

Ani naw hmeihta la hmeinu ung shan kiang nak m’dang ci. Mi chang gui awn a täng ah om tuk ci gui ah khaw hei chang gui phi ani naw m’hni gui ci. Ei vai la sui vai pe gui ci.

1 PETER 5:7

Nami cäicat ng’ä ai nak phung avan ap vä, Khanpughi naw ngaih nah ne ning m’htei gui ci nei.

1 PETER 4:19

Cun ah kyasei Khanpughi ah ang yak hlü ah geinvai nak gah ciah chang gui cu, akni ah hnüntho u ne, angtäi sei a shaitaak küm ciah Pushihpi ah ami ghin nak avan ng’ap u sä.

2 TIMOTHI 1:12

Acun ah mawng ung kei cu geinvai nak ka gah ciah kyak ci. Cun ung phi kei ung lung üp nak akbe ah om lä ci. A i ah kyasei ci ung kei a u ung kang ap cu ka hmat ci, kei naw ka ap gui cu ak hnu bäih ah Hnüüp güt ung kut shum khai ci cun phi, kei naw akcang ah ka hmat ci.

HABAKKUK 1:13

Shin ah changshe gui, kä bekhüt ci gui, a i ah kyasei na ng’düih püi gui ang? Na mik cu theing ciim ci, akshe kä na teng hlük ci, cheishoh nak bik ciah chang täng ah kä na ng’düi ci, Ngami naw ami mät ah mä yum pi ciah chang ami m’di yah ung, a i ah kyasei adüm ah na om ang?

JEREMIAH 51:56

Ngami cu Babilon m’di khai gui ah lawk ci gui nei; ami gakap gui cu tu ne khäm gui ci gui, ami li gui cu hnget yawp ci nei. Kei cu akshe m’kyuk ciah khanpughi ah ka kyak ci, Babilon cu amät ah bi awn kyä khai ah kei naw ka bik khai.

JEREMIAH 16:17

Kei naw ami bi phung ka hmuk ci. Kei ah kä hmuh vai ah thuh a i kä om ci; ngami ah katnak cu kei ah hmuh nak ung kä phyawng ci.

NG'THU K'THUUK~ 15:3

Bawipa naw a hawi, a i ah kyak ci cicu hmuk ci, ani naw na ngang gui ci, akni akaa mi bi cu na teng gui gi.

SAM 35:22

Cun ung phi Bawipa nang naw avan na hmuk ci nei, ka omdüt ten a, kä na hteh en ta ä!

SAM 22:11

Kei awn kä ng’shawng-en phung ä! Zaica nak naw na k’et ci, kei na m’hei khai ah a u kä om ci nei.

2 SHONTÄP NAK 6:23

O Bawipa, Khankho ah ka naw ngai neta, na changshäm gui cu m’khocha gui ä. Katnak bik ci amät ah bi ah mäih ah m’kyuk ne, changni cu m’hlawt ä.

2 GHANGPUGHANG GUI 9:26

‘Kei naw Naboth la a hta gui ami ngawn gui cu yanta ka hmuk ci nei. Kei naw a shin ah m’dek ung ka ning m’kyuk khai nei, ci nei shai ka tak ci.’ Cun ah kyasei Jehu naw yatha bawm ci am, “Joram ah pumsa cu la ne, Naboth ah khomdek ung yuk ghawt ä, cun ung Bawipa ah shaitak cu kümbe ciah kyak khai nei” cik ci.

SUKI GUI 1:7

Adonibezek naw, “ghangpughang chih kip, ami kutnu la ami khawnu ka m’chün gui cu, ka tawnglang ka ah ei k’bok kawk ne om ci gui nei. Ngami ah khan ah kei naw ka bi ah mäih ah kei ah khan ah khanpughi naw tuhbäi bik ci nei,” cik ci. Ani cu Jerusalem ah hteh püi u sei a cu ah sik ci.

HEBRU 4:13

Khanpughi ah ng’thuh haih ci a i kä om ci a tüi sho phung phung cu a mik ah hmuh ah dang yawp ci. Acun ah kyasei mi bilawh, ngaih tüh gui phung cu Khanpughi-am mi ap khai nei.

JOEL 3:4

“Tire, Sidon la Philistia avan, kei ah khan ah a i bi vai ah ang nami tha nak? Kei am a i baw nami na pe ba khai ah nami tha na ne ang? Nami tha nak ah a kyak ung, kei naw ang ghit ah ka ning pe ba gui khai!

ISAIAH 10:3

Khanpughi naw aning m’kyuk law gui ung a i ah nami kyak khai ang? Ani naw a khawshou ah ka leigai gui nami khan ah a law püi ung a i ah nami kyak khai ang? M’hteihtang nak hmuh vai ah a hawi nami dawng khai ang? Nami khawh cham gui a hawi nami thup khai ang?

JEREMIAH 23:24

Kei naw kä ka hmuh vai ah a u phi kä ng’thup hning ci. Khan kho lo khomdek khongnü ung kei ka om cu kä nami hmat ne ma?

ATÜNNAK 21:17

Khanpughi naw a hmaw a kyah cu ng’ya neta, Khanpughi ah khankho chang naw Hakarah am, “Hakarah, a i ah na kyak ci ang? Kä na kyih vai, Khanpughi naw a hmaw ah kyah ng’yak ci nei.

ATÜNNAK 31:12

“Teng ä, ng’ghui ciah me gui phung cu a pyawk ni, ang khan ni bäng ah kyak ci gui nei. Cun cu kei naw, Laban naw akshe a bi gui cu hmu neta ka bi ah kyak ci nei.

PHYAWN NAK 2:25

Ani naw Israel gui khleihtein ah ami kyak cu hmu gui neta ngaih pe gui ci.

PHYAWN NAK 22:22

A u hmeihta, hmeinu phi kä nami shedam nak vai.

PHYAWN NAK 22:26

Chang tumat naw yih ng’yung a hlawng ba vai ah a kyän law ah a kyak ung, khawhni kä ah hang luh pha ung nami pek ba vai.

2 SAMUEL 16:12

Bawipa naw ka cümbawng nak cu hmat neta, ani ah shai she ah hnün ung hriham cu na pe hman khai nei” cik ci.

2 SHONTÄP NAK 24:22

Ghangpughang naw Zechariah ah pa Jehoiada naw bekhüt ne bii abi kä shüm ba ah, Zechariah cu a ngawn ah kyak ci. Zechariah naw si law vai neta a pyen cu. “Nang naw a i na bi cu Bawipa naw ning hmu neta ning m’kyuk sä!”

SAM 31:8

Ka gaa gui naw ami na näng vai ah nang naw kä na m’awng ci, ka ng’yak nak hlü ah ka hteh vai ah ng’pängye nak na na pek ci.

SAM 68:6

A om nak kä om ci gui-am im pe gui ne, Thawng kium ci gui-am päng ze nak lam shüm gui ci. Cun ung phi hnu ng’tuk püi ci gui cu kho kei ah om khai gui.

NG'THU K'THUUK~ 15:25

Bawipa naw chang shekha ah im cu m’di khai, cun ung phi hmeinu ah khawh cu ngang pek khai.

NG’ÄI KYAH 3:59

Kei täng ah ng’thumcha ä, nang naw na hmat ci, cheishoh ci bi nak naw na hnungtuk püi ci nei.

NG’ÄI KYAH 3:60

Ka ga gui naw a i hlawk ah na gen u ne, a i hlawk ah na hnungtuk püi ne ami ngaih-tüh cu, nang naw na hmat ci nei.

HOSEA 14:4

Bawipa naw pyen ci, “Ka chang gui cu kei ah ka law ba sak gui khai. Ka m’lungkyong avan awn ka m’hni gui khai. Kä ka m’lungshe na ba gui khai.