SAM 1:6 - Cho Bible Common Language 2016

⁶ Düng ciah chang gui cu Bawipa naw lam shüm gui ne, shungvong gui ci, Cun ung phi changshe gui ah hteh nak lam cu dimaih nak ung gawk khai.

SAM 1:6 Referans Kwoze

2 TIMOTHI 2:19

Cun ung phi Khanpughi naw ak khäng ah ling ne ak süm cu kä thüng hlawt ci nei. Cun ah khan ah, “Khanpughi naw a mät ah chang gui cu hmat gui ci nei”, ci la “Bawipa ung khäng pyi ciah pyein ciah chang phung naw cheishoh nak cu a phiawn nak vai nei,” ciah ca cu guk ah kyak ci nei.

JOHAN 10:14

Kei cu htoshäm ni ah ka kyak ci, Kapa naw kei cu na hmat ci, kei naw phi Kapa cu ka hmat ci, acun ah mäih ah kei naw ka hto gui ka hmat gui ci, ngami naw phi kei cu na hmat ci gui. Kei cu ka hto gui ah hmawk ah sih vai ka yum ci.

NG'THU K'THUUK~ 15:9

Bawipa naw changshe gui ah lam cu thui nak ci, cun ung phi dung nak bik ciah chang cu m’hni ci.

NAHUM 1:7

Bawipa cu nik ci; Khüikha nak a gawk law ung A chang gui cu shungshet gui ci, Ani täng ah ng’hlat lawk ci gui cu, ani naw m’htei gui ci.

SAM 146:9

Ani naw mi kho ung om tuk ciah khin gui cu shungvong gui ci; Ani naw hmeinu gui la hmei hta gui cu m’htei gui ci, cun ung phi changshe gui cu ami di vai ah m’shet gui ci.

JOHAN 10:27

Ka htome gui cu kang thu ngai ci gui, kei naw ngami ka hmat gui ci, ngami naw phi kei na läk ci gui.

NG'THU K'THUUK~ 14:12

Dung ciah lam ah na ngaih naw sih nak ah ning hteh pui khai.

MATTHE 7:13

‘Ng’hteik ciah m’kawt ung lut tu vä, m’hteikho ah hteh nak ah lam la m’kawt cu ng’shawng ciah kyasei, cun ah lam ung hteit ci gui cu da ci gui.

JOB 23:10

Cun ung phi kei naw ka bi phung cu Khanpughi naw hmuk ci, ani naw ana m’nüm vaisü ung ang ciim ah na hmuk khai süte nei.

SAM 142:3

Kei cu m’lung k’si ge vai ne ka kyak ung, kei naw a i ka bi vai cu ani naw hmat ci. Ka hteh nak vai ah lam ung ka ga gui naw ng’thup ne na k’dum ci gui.

2 PETER 2:12

Cun ah chang gui cu phaa vai, ngawn vai ah ng’tüi ciah k’pyamasa ah mäih ah kyak ci gui, a i kä ami hmat su ah päipih nak om ci. Ngami cu a i kä hmat ciah k’pyamasa ah mäih ah dimaih khai gui.

SAM 112:10

Changshe gui naw cun cu hmu neta, m’lungshe ci gui; Ngami cu thüi ne m’thüi u ne maih khai gui; ami ngaih u nak phi ng’kawn yawp ci.

SAM 9:6

Kami ga gui cu ng’pyi pyi ci gui, Nang naw ami mang gaw gui cu na m’di pyi ci, Ngami cu ng’pyi ne htin ci gui.

1 SAMUEL 2:9

Ani naw bekhüt ciah ak chang gui ah hnun gui shungvong ci, Cun ung phi changshe gui cu hmüp khui ung maih ci gui; Chang naw amät ah k’thagui awn näng nak kä gah ci.

SAM 142:4

Ka pei yum ah ka teng ung, kei na m’htei khai kä ka hmuk ci, na shungvong ci a u kä om ci.