SAM 1:3 - Cho Bible Common Language 2016

³ Cun ah chang cu tui kem ah ghing ciah sing ah mäih ah, a m’theih khin ung m’theih ne, a hnah kä ng’yai phung ciah sing ghing ah mäih ah kyak ci. A bi nak phung ung m’khüt näng nak om ci.

SAM 1:3 Referans Kwoze

JEREMIAH 17:8

Ngami cu tui lawng pei ah ghing ciah sing ghing ah mäih ah kya u ne, tui ah gawk ne ami pya hteit ci. Khong ling kho a gawk law ung phi ngami cu kä kyik ci gui, a i ah kyasei ci ung ani ah hnah gui cu akphlüt ah ching ci: Kho kä a aa ung phi ngami cu kä ng’ä ci gui; angtäi sei theih lä ci gui.

EZEKIEL 47:12

Tuilawng ah akem päng ung, ei vai ah kyak ciah sing ghing avan cu thou khai gui. Ami hnah gui cu kä ng’yai phung khai, kä ng’düm phung ne m’theih khai gui. Cun gui cu ak cha päng ung ak thieng ah m’theih khai gui, a i ah kyasei ci ung, cun gui cu Taigüim ung ka long lawk ciah tui awn shawi gui ah kyak ci. Cun ah sing gui naw ei vai pek kai gui, ami hnah gui cu chang gui ah gai nak vai ah mang vai ah kyak khai.”

SAM 92:14

Cun cu a ghi law güt m’theih ne, angtäi sei m’kim ne khäng khai gui nei.

JOHAN 15:6

Kei ung kä om cicu k’set ne ghawh ah ang ban chawng ah mäih ah kiak ci. Chang gui naw cun ah ang ban chawng gui cu k’bum ne mei ung m’khih u seih, mei naw ui yawp ci.

EZEKIEL 19:10

Nang ah nu cu tuilawng pei ah geit ah Sapyit ng’shun ah mäih ah kyak ci. A i ah kiasei ci ung a cu ah tui da ci, Sapyit cu a hnah la am theih bäng ah kyak ci.

ATÜNNAK 39:23

Thawng bawi naw a i a bi ba vai kä hlü khai ah Joseph naw bik ci. Joseph cu Bawipa naw m’htei sei a bi nak päng ung m’khüt näng nak om ci.

THU PHLAAN 22:2

Cun ah tuinu ah tuikam vang veing ung ghin nak ah sing ghing om ci. Cun ah sing cu cha ät ung hnü ät m’theih ne, kum ät ung gha lei-goi vei m’theih ci. Cun ah hnah gui cu chang avan ah gai nak vai ah kyak ci.

EZEKIEL 17:8

Cun ung phi sapyit cu ang lei ah ni nak tui ah ni nak ah lo ung, geit pyi ah kya ne, akni ah hnah ne, akni ah m’theih pyi ciah Sapyit ak ni ah kyak pyi ci.

MATTHE 13:6

Ng’lih pyo pang ne phi, m’dek ng’pam ci kya ne, kho naw a so law ung kä pya hlawt ne si ba yawp ci.

2 SHONTÄP NAK 31:21

Ani cu näng m’khüt ci, a i ah kyasei ci ung Taigüim ah phäh ah abi nak nü ung, la thukhän läk nak ung, ani cu mümcha awn akbe ah bi ne, Khanpughi ah bekhüt ne ang ziihnei ah phäh ah kyak ci gui.

ATÜNNAK 39:3

Joseph cu Bawipa naw om püi sei, a bi päng ung m’khüt näng nak om ci, cicu a bawi naw hmat ci.

SAM 128:2

Na mät ah bilawh awn na ng’yak hlü küm be khai, yeikyai ne na bämang khai.

ISAIAH 3:10

Düng ciah chang gui cu yeikyai khai gui, amawng avan cu ngami ah hmawk ah nik khai. Ngami cu ami bi ah kmawk ah yeikyai khai gui.

ISAIAH 44:4

Ngami cu tui akni ah gah ciah khu m’ghaw ah mäih ah, tui long ciah tui pei ah hnum ghing ah mäih ah kyak khai gui.

JOB 14:9

tui a gah ah a kyak ung a ghing k’thai ah mäih ah toi ba ci nei.

MATTHE 21:34

Sapyit khäm vai akhin gawk law sei, ak changshäm gui cu lo ng’vat ci gui ah tüi gui ne, a gah vai ah ak phlam cu lak sak gui ci.

MATTHE 21:19

Lam pei ah baangghing tumat om sei a pei ah hteit ne teng ci. Cun ah baangghing cu käm theih ah a hnah gui bäng om ci. BawipaJesuh naw cun ah baangghing cu tawk ne, “Nang cu a ngawi ah phi kä nam theih khai,” cine taam khätah, acun vai-am cun baangghing cu ng’yai ne chawng ci.

JUDE 1:12

Ngahmi cu kä lü ng’aa neh, ei aw plawihnai u ne, nami mang ei küikyang cu thang m’shet ci gui nei. Ngah mi cu ami mät ah hmawk bäng teng ci gui. Ngami cu khaw ah phi kä aa hlawt ciah, khawkhi naw a yon shüishüi ah khaw ng’mei awn täng ci gui. Kä m’theihpai sei, Khaw cingkhaw ah ang yung ah mawi ne m’shän ung chawng ne sik ciah singghing awn phi täng ci gui.

ISAIAH 27:11

Sing ghing guiah ami ng’ban gui cü chawng ne hnet sei, hnumi gui naw mei ah cih vai ah lak ci gui nei. A i ah kyasei ci ung chang gui naw a i kä hmat ba ci gui, Tüisho gui ciah khanpughi naw kä m’gein gui khai, chimgein nak api phi kä m’dang gui ci.

MATTHE 21:41

Ngami naw, “Lo mah naw cun ah changshe gui cu ngawn ne ghawt gui khai nei. Lo cun phi sapyit khäm khin ung akcang ah phlam sook khai ah a hei gui-am bi sak gui khai nei,” cine pyein ci gui.

1 SHONTÄP NAK 22:11

David naw k’täi ne, “Tuhbäi, Ka hta aw, Bawipa na Khanpughi naw ning om püi sä, ani ah phäh ah Taigüim na cawh vai cu na m’khüt näng vai ah a shaitak cu kümbe sä.

SAM 129:8

Ani sun pah ciah chang naw phi, “Bawipa naw hriham ning pe sä! Bawipa ah ming ung hriham kami ning pek ci nei” kä ci phung khai gui.

2 SHONTÄP NAK 32:23

Chang akda cu Jerusalem ah law u ne, Bawipa am douthak vai la Hezekiah am m’cümhnak vai law püi ci gui, cun ung tün ne chang pakhui avan naw Hezekiah cu m’tamkhah lawk ci gui.

KHEI NAK 24:6

M’htai ghing gui ang sau ah ang tän ah mäih ah kyak ci gui nei, kä cun ung, tuinu pei ah dum ah mäih ah kyak ci nei. Bawipa ah geit ah ghing dung ghing ah mäih ah kyak ci.

THULÄÄN NAK 28:8

“Bawipa nami Khanpughi naw nami bilawh gui cu hriham pe ne, nami htang pan gui cu htang awn be sak khai. Ani naw a ning pek gui ah khaw ung hriham ning pe gui khai.

2 GHANGPUGHANG GUI 18:7

Cun ah kyasei ani cu Bawipa naw a täng ah om püi ci, a bi lawh phung ung m’khüt näng nak om ci. Ani naw Assiria uktubawi cu hnungtuk püi ne, ani ah ma ah kä ng’yom phung ci.

1 SHONTÄP NAK 22:13

Israel gui ah hmawk ah Bawipa naw Moses am a pek ah thukhän gui avan na läk ah a kyak ung nang cu näng nak na gah khai. K’tha la ne m’lung üp nak om sä, a i naw kä ning kyihkyawk en sak sä.

JOB 22:28

Nang cu na bilawh nak päng ung na näng khai, na lam cu angtäi sei deikhang khai.

SAM 92:15

A cun naw Bawipa ah düng nak la ka khozii ung cheishoh nak kä a om ah mawng cu dang sak ci nei.

ISAIAH 58:11

Cun ung kei naw angtäi sei lam ning m’shüm gui ne, akni gui awn ka ning büh bei sak gui khai. Kei naw ning khüighat sak gui ne ka ning gai sak gui khai. Nangmi cu tui akda awn sawi ah duin ah mäih ah nami kyak khai, kä ket hlawt ciah tuilawng ah mäih ah nami kyak khai.

EZEKIEL 31:5

Cun cu tui awn akni ah shawi ah kya ne, Ahei sing ghing gui ah ta ng’ng’shäi pi ne tho ci. Ang ban gui cu shah ne ng’ng’shäi ci gui.