SAM 1:1 - Cho Bible Common Language 2016

¹ Yeikyai nak om ciah chang ci cu, Chang shekha ah m’shümthein ma na ne, phyawn na ne, Cheishoh ciah chang ah om k’ih kä läk ne, Khanpughi kä yum ci ung kä ng’dawn tuk ciah Chang ah kyak ci.

SAM 1:1 Referans Kwoze

NG'THU K'THUUK~ 13:20

Cüivai ci awn ng’khawtsheng cicu cüivai lawk ci, Chang kaa awn ng’khawtsheng cicu dishum thei ci.

JEREMIAH 15:17

Kei naw ka mät ah khin cu gaih ng’pian om k’ni düt awn kä ka ng’pyi sak ci. Nang ah thukbäi gui cu ngai ne, ka mät naw ka mät om ne, m’lungshe nak awn ka be ci.

LUKA 11:28

Cun ung phi Bawipa Jesuh naw, “Khanpughi ah ng’thu ngai ne läk ciah khan ah yeikyai nak om sä, ci ung ni pi khai nei” cik ci.

SAM 1:6

Düng ciah chang gui cu Bawipa naw lam shüm gui ne, shungvong gui ci, Cun ung phi changshe gui ah hteh nak lam cu dimaih nak ung gawk khai.

NG'THU K'THUUK~ 1:15

Ka hta aw cun ah mäih chang cu kä na läk tu vai. Cun gui awn ng’shawng ne na m vai.

SAM 34:8

Bawipa a i hlawk ah ani cu shui shüm ne hmat vä. Ani ung phyawn nak hmuk cicu yei kiai ci nei.

SAM 112:1

Bawipa cu m’taam nei! Bawipa kyih aa ne, ang thumkhän läk ne, lünlawi ciah chang cu yeikyai ci nei.

SAM 36:4

A ih ng’zän nak ung phi akshe bäng ngaih-tüh ci; Akni phung a i kä bik ci; akshe phung kä hnu nak ci.

JOB 21:16

Ngami naw ami mät ah thagui awn m’khüt näng ci gui ah pyen ci gui. Cun ung phi ngami ah ngaih-tüh cu kei naw kä ka dou hning ci.

EPHESIAN 6:13

Cun ah kyasei Khanpughi ah likhim k’be cu nami awi k’bah vai nei! Cun ung vah shekat geinvai nak ah hnüüp a gawk law ung, gaa ah tuk nak cu nami näng hlawt khai nei. Ng’tuk lu küm sei nami ng’tuk kawn ah nangmi cu nami kho ng’lei ung khüi ne nami ng’düi lawk khai nei.

ATÜNNAK 49:6

Ngani ah ng’zih thuh nak ung kei kä ka ng’pang khai. Ani chang bum ung phi kä ka ng’päng tuk khai. Ngani cu m’lungshe ne chang ngawn ci goi. Sei khaw ng’dääk sak ne gü ng’lah ci goi.

JEREMIAH 17:7

Cun ung phi kei ung ngaih gep ci gui cu kei naw ghiham ka pe gui khai.

NG'THU K'THUUK~ 13:15

Lunglang ci naw chang m’sui nak gah ci, Cun ung phi kä ng’ap hning ci gui cu lam she ung hteit ci gui.

SAM 119:115

Shekak ciah chang gui a hei ah hteit vä. Kei cu ka Khanpughi ah thumkhän ka läk khai nei.

SAM 106:3

A thumkhän läk ne, angtäi se ng’düng nak bik cicu yeikyai nak om ci nei.

SAM 26:12

Kei cu kyihshe ci phung ka phyawn nak ci, ak chang hli ah ng’lung ah Bawipa cu ka m’taam khah ci.

NG'THU K'THUUK~ 2:12

Akshe bi nak ung ning shungshet khai. Khüikha nak thawh let sak ne ng’thu ciah chang gui ah lam ungka ning k’pang khai.

SAM 81:12

Cun ah kyasei ami ling nak ah hteh sak gui ne, ami ng’yak hlü ka bi sak gui ci.

NG'THU K'THUUK~ 4:19

Chang shekha gui ah hteh nak ah lam cu khawmü ah mäih ah hmüp ci. Ami ng’tän ung phi ami ng’vawn nak cu kä hmuk ci gui.

NG'THU K'THUUK~ 3:34

Ani naw chang shedam nak c i cu kä mang ci. Cun ung phi am lung neim sak cicu chang m’sui ci.

THU PHLAAN 22:14

Ami suisak theing khai ah m’suk ci gui cu yeikyai nak om ci, ngami cu ghin nak ah sing ah m’theih ei nak hning la mang gaw ah m’kawt ung luh nak hning cu gah khai gui.

NG'THU K'THUUK~ 9:12

Nang ung cüivai nak a om ah a kyak ung nang cu na lawn khai. Cüivai nak na hnungtuk püi ah a kyak ung nang cu na khüikha khai.

SAM 84:12

M’gäi ciah Bawipa, nang ung ng’ap ci gui cu yeikyai aih ci gui nei!

ROMAN 5:2

Mikmi naw Jesuh Khrit cu mi yum ci kya sei, ani naw mikmi am, Khanpughi ah m’geinsei nak cu na hmat sak gui ci. Tuk bäi cun ah m’geinsei nak cu mi gah u ne, Khanpughi ah hlüngtai nak gah vai cun-phi ngaih gep nak om sei mi yeikyai ci.

SAM 144:15

Shin ah hriham gah ciah pakhui cu, yeikyai nak om ci nei; Khanpughi, Bawipa nak ciah chang gui cu yeikyai nak om ci nei.

JOHAN 20:29

Bawipa Jesuh naw, “Nang naw kei cu hmu netah na na yum ci, kei kä na hmuh ah na yum ci gui ah khan ah yeikyai nak be ci nei” cine pyein ci.

NG'THU K'THUUK~ 1:22

“Chang gu k’ang gui! A i güt nami gu ang khai ang? A i güt hmuhmat nak cu m’lepse ne nami yeikyai khai ang? kä nami ng’thei thang phung khai ma?

1 PETER 4:3

Ng’pyi pyi ciah akhin ung nangmi cu, khritha ah kä kyak ci gui ah om ih ah mäih ah ak shou nami om pyi ci. Kä yum hmat nak, hlawhlaang nak, awktat nak, hlimtui nak, yu ng’kawi nak, la ang htei ah m’shemshai ciah a gup khawihhnah nak ung, nami ghin nak cu ng’pyi te ci.

JOHAN 13:17

Tuhbäi nangmi naw ng’thu düng nami hmat pyi ci, acun ah mäih ah nami om ung, nangmi ung yeikyai na om khai.”

SAM 146:9

Ani naw mi kho ung om tuk ciah khin gui cu shungvong gui ci; Ani naw hmeinu gui la hmei hta gui cu m’htei gui ci, cun ung phi changshe gui cu ami di vai ah m’shet gui ci.

SAM 2:12

Kä cun ung ani ak yaang ah m’lung she law sei, Nangmi ang ghit ah nami si lawk khai. Am lungshe nak awn ang ghit ah nami maih khai, Ani ung yii ciah chang phung cu yeikyai nak om ci nei.

SAM 146:5

Yeikyai nak om ciah chang cu, m’htei gui khai ah Jakob ah Khanpughi, Bawipa a Khanpughi ung ng’yung ciah kyak ci.

1 GHANGPUGHANG GUI 16:31

Ani cu ghangpughang Jeroboam ah mäih ah katnak abi awn kä ng’büh ne; ang ghit ah hteit ne, Sidon ghangpughang Ethbaala ah hta Jezebela cu chu na ne Baala khawihnah ci.

THULÄÄN NAK 33:29

Israel gui, a i hlawk ah nami yei ci ang? Nang mi ah mäih ah Bawipa naw a hun ah pakhui a u kä om ci nei. Bawipa amät cu nami shawi la nami khim ah kyak ci. Acun naw ning shungvong gui ne, näng nak ning pe gui ci. Nami ga gui law u ne, nami chimgein gui vai ah ng’pa lawk khai gui. Nangmi naw nami kai na gui khai.

EZEKIEL 20:18

Cun nak vai sü ung, kei naw ami ng’lung ah chang nong gui cu ka m’cäi gui ci: Nami pupa gui ah pyan ah thukhän gui kä nami k’pan vai; ami thungyo gui kä nami läk vai, ami agup gui awn nami mät kä nami lelawi sak vai.

NG'THU K'THUUK~ 19:29

Chang k’om ne gu ang ci naw m’ghuih thah nak a gah vai cu ng’htei pyi ci.

SAM 64:2

Changshe gui ah tängpang nak la chang ka gui ah ng’bum nak ung na shung ä.

JOB 31:5

Kei cu cheishoh khai ah kä ka hnün tho khai, Chang gui m’hleeihlak vai ah kä ka k’tha nak khai, cine ng’thu ka khän ci nei.

JOB 10:3

Ana ah na shekhak ciah na mät lüng naw na na k’shekdam nak la changshe gui ah bilawh nak gui ung na hmai kyang cu hman ne maa?

ATÜNNAK 5:24

A ghin nak avan cu Khanpughi awn atäng ah ghin om ci. Ani cu Khanpughi naw ak thuuk ah khah püi sei ak hnu ah kä ng’dang law ba ci.

LUKA 23:51

Ani cu changni changdüng ah kya ne Khanpughi ah uknak kho a gawk law vai cu ging ciah chang ah kyak ci. Ani cu kongci ng’vai ah a kyak ung phi, ang vai gui ah k’bäi nak la bi nak cu kä yum tuk ciah kyak ci.

MATTHE 16:17

Bawipa Jesuh naw, “Johan ah hta Simon, nang ung yeikyai nak om ci, shin ah düng ciah a mawng cu chang naw kä hmat hning ci, Khankho ah om ciah Kapa naw a ning m’thein ah kyak ci.

THULÄÄN NAK 14:6

A khawpaw ng’kye ne a ei m’däuh ciah khisa phung nami ei vai.