RUT 4:4 - Cho Bible Common Language 2016

⁴ Cun cu nang naw nang bä khai ah ka ngai ci. Tuhbäi na ng’yak hlü ah a kyak ung, shin ung ngok ciah chang ah ma ah na hleih vai, kä nba ng’yak hlü ah a kyak ung, acun ah na pyen vai, nang ning tawi ne hleih khin khai cu kei ah ka kyak ci” cine pyen ci. Cun ah chang naw, “Kei naw ka hleih khai nei” cik ci.

RUT 4:4 Referans Kwoze

PHILIPPIAN 4:8

Phäi nau gui aw, khüm nak ah ka pyein hlü cu, ni kyom nak, bäkhäk nak, cang nak, küika nak, ng’düng nak, theingcim nak, yumhni nak la m’tamkhah nak awn nami m’lung kyong cu be sak vä.

2 KORIN 8:21

Keimi ah ng’bü nak cu Bawipa ah ma bäng ah kä kyak ciah chang ah ma ah phi ng’düng khai ah bi vai ah kyak ci.

ROMAN 12:17

Nami khan ah akshe bi lawk ciah a om ung akshe awn kä nami thung ba vai, chang gui ah maa ah ni kyom nak nami bi vai ah nami k’tha nak vai.

JEREMIAH 32:25

Cun ung phi uk ciah Bawipa, mang gaw cu Babilonian gui naw tu ne khäm lawk cang khai gui ah kya pang sei phi saksi gui ah ma ah khaw ka thon vai ah nang naw thu nak bäi ci nei.”

ATÜNNAK 23:18

A cun ung om tuk ciah Hittit chang gui ami van naw cun ah khaw cu Abraham ah khaw ah k’bäi ci gui.

ATÜNNAK 23:11

“Saya aw, ngai ä, lai avan la ng’phuh hmun cu ka ning pek khai nei. Shin ung ka chang gui avan ah ma ah ka ning ap khai nei, a cun ung na chu na k’phuh vai nei” cik ci.

THULÄÄN NAK 25:8

Gawnu ung ang vai hta gui naw ani cu khü thäh neta, pyen nak khai gui. Cun ung phi amaa laih laih ah a kyak ung

RUT 2:20

“Bawipa naw Boaz cu hriham pe sä, aksi la ak ghing avan ah ma ah Bawipa naw ashaitak cu küm ci nei” cine Naomi naw m’tam ci. Cun kawn ah ani naw, “Shin ah chang cu mikmi ah mätzah tumat ah kyak ci nei, mikmi nam htei gui khai ungka, tumat ah kia ci nei,” cik ci.

RUT 3:9

“Nang a u ang?” cine ng’shik ci. Ani naw kei cu Ruth nei, nang cu ka ning mätyah ah na kyak ci, nang cu kei na na m’htei khai ah chang ah na kyak ci, cun ah kyasei kei cu na ng’pui khah püi ä” cik ci.

RUT 3:12

Na pyen cu hman ci, kei cu na mätyah akcang, ning m’htei khai ah chang ah ka kyak ci. Cun ung phi kei ah mä ng’en tuba ciah pami tumat om ci.