RUT 4:13 - Cho Bible Common Language 2016

¹³ Cun ah kyasei Boaz naw Ruth cu a im ah hteh püi ne chu nak ci. Ani cu Bawipa naw hriham pe sei, käumah ne pami hta ah hta ci.

RUT 4:13 Referans Kwoze

ATÜNNAK 33:5

Esau naw hnumi gui la a hmaw gui cu hmu law gui neta, “Shin ah na khah püi gui cu a u gui ang?” cine ng’shik ci. Jaokb naw, “Ka bawi aw, shin ah a hmaw gui cu Khanpughi naw bä ne ana pek ah kyak ci nei” cine m’shang ci.

ATÜNNAK 29:31

Leah cu acei naw kä a m’hni tu cu Bawipa naw hmat neta, a hta vai pek ci, Rachelah cu kä hta ci.

RUT 3:11

Ruth, tuhbäi kä na ng’ä vai. Na k’thäh phung kei naw ka bik khai; shin ah gawnu ung chang avan naw, nang cu hnumi kiom ah ning hmat ci gui nei.

SAM 127:3

Hta hmaw gui cu Khanpughi ah na m’cümhnah gui ah kyak ci; ngami cu hriham akcang ah kyak ci gui.

SAM 113:9

Kä hta ciah hnumi cu amät ah im ung chang m’sui ne, hta nak vai pe ne yeikyai sak ci. Bawipa cu m’taam nei!

1 SAMUEL 2:5

Ami phü ah ei man ciah chang gui cu, ei ami gah vai ah ami mät ng’hlawh ci gui. Ei cawi man ci gui cu kä cawi ba ci gui. Kä hta ciah chu cu chih ah hta ci, Cun ung phi chang akda ah nu ung a i kä om ba ci.

1 SAMUEL 1:27

Kei naw shin ah hmaw ah phäh ah ka ng’zoi thäh ci, ani naw ka yoi thäh cu na pek ci.

RUT 4:12

Shin ah hnumi awn nani hta ah Bawipa naw a ning pek ah a hmaw gui naw Judah la ak chu Tamar ah hta Perez ah kyongkhui ah mäih ah na kyong khui pyang u sä” cik ci gui.

ATÜNNAK 30:2

Jakob naw, “Kei naw Khanpughi ah hnün ung om ne kä ka bi hning ci, nang na hta vai cu Khanpughi bäng naw bi hning ci” cine m’lung she ci.

ATÜNNAK 25:21

Rebekka cu kä hta khäta, Isaak naw Bawipa ah taigü pek ci. Bawipa naw a taigü ngai sei Rebekka cu kämah lawk ci.

ATÜNNAK 20:17

Abraham ah chu Sarah ah phäh ah Abimelek ah mang im ung hnumi gui avan cu, Bawipa naw kä hta ba sak gui ci. Cun ah kyasei Abraham naw Abimelek ah phäh ah taigü khäta, Khanpughi naw Abimelek ni, akchu ni, a changshäm hnumi gui ni cu gai sak gui sei, ngami cu hta nau ba ci gui.