RUT 4:10 - Cho Bible Common Language 2016

¹⁰ Moab hnumi, Mahlon ah hmeinu, Ruth phi kei ah chu ah kyak ci nei. A shin naw sik ciah chang kyong khui ung khawhcham cu ng’khäm sak ne, a chang gui la apigaw cu ani ah kyong khui naw pakhui m’düng khai nei. Nangmi cu tuhngawi shin ah saksi ah nami kyak ci nei” cik ci.

RUT 4:10 Referans Kwoze

THULÄÄN NAK 25:6

Ani hta htük cu sik ciah chang ah hta ah kyak ci. Cun ah kyasei Israel pakhui ung ani cu ng’shon ciah kyong khui ah kyak ci.

EPHESIAN 5:25

Pami gui, Bawi Khrit naw a hnun gui pe ne krihtabum cu am hni ah mäih ah, nami chu cu nami m’hni vai nei.

HEBRU 13:4

Chungla nak cu chang avan naw a htingling ah ang ngaih vai nei, Chu la cei cu tumat la tumat bekhüt ne ani om vai. Khanpughi naw cheishoh ci la hlawhlang ciah chang gui cu yuk m’khoichaa gui khai nei.

MALAKHI 2:14

A i ah kyasei ani naw kä a dou ba cu nami ng’shi thäh ci. A i ah kyasei ci ung ani naw hmat ci, nami hmaw yah ung nami chu nak ah nami chu ah khan ah nami shaitak nami m’shet ah hmawk ah kyak ci. Ani cu na paw ah kyak ci, cun ung phi nang naw na shaitak nam shet ci. Khanpughi ah ma ah shai na tak ci kyasei, ani ah khan ah na bekhüt vai kyak ci.

ZEKHARIAH 13:2

Cun ah khin ung kei naw khaw ung agup gui avan cu ka k’heng yawp khai, ngami cu a u naw phi kä shüm ba gui khai. Prophet ah kyak ciah pyen ci gui la agup khawihnah nak hlü gui cu kei naw ka k’täm khai.

HOSEA 12:12

Mi pupa Jakob cu Mesopotamia ah dawng nea chumah vai ah phäh ah chang tumat ah bii bi tu ne, ani ah htome cu shäm ci.

HOSEA 3:2

Cun ah kyasei kei naw ngui phe gha lei hma la htang 150 kilokram cu ani hleih nak vai ka pek ci.

ISAIAH 48:19

Nang ah hta ng’shon gui cu laigin chü ah da khai gui, kei naw ngami cu a i yah ung phi kä ka dishum sak gui khai.”

NG'THU K'THUUK~ 19:14

Chang naw anupa ah khawh la im cu pakhui m’dung hning ci, Cun ung phi langkha ciah chu cu Bawipa bang naw pe hning ci.

NG'THU K'THUUK~ 18:22

Chumah ciah chang cu akni hmuk ciah kyak ci. Acun naw Bawipa naw nang ah khan ah ani nak cu m’dang ci.

SAM 109:15

Bawipa naw ami katnak cu angtäi ah shüm pe gui sä, cun ung phi ami mät läi cu m’hni gui yüm yüm sä!

SAM 34:16

Cun ung phi ak she bi ci gui cu hnu na gui ci, ami sih law ung phi m’hnih gui ge ci.

JOSHUA 7:9

Kanaanit gui la shin ah khaw ung chang nü naw, cun ah mawng cu ng’yak ci gui nei. Ngami naw na khaai gui u ne, kami van na ngawn gui khai gui nei. Na ming küi m’küih nak vai ah a i na bik khai aw?”

ATÜNNAK 29:27

Ng’chungla nak bi kawn ah khaw hnüüp chih ngai cang ä, cun kawn ah Rachelah mä ka ning pek khai, ani ah phäh ah mä khaw kum chih bi na bi ba vai” pyen nak ci.

RUT 4:9

Boaz naw ang vai gui lacun ung om ciah chang gui ah ma ah, “Tuhngawi nangmi cu saksi ah nami kyak ci, Elimelek la a hta goi, Chilion la Mahlan ah khawh avan cu, kei naw Naomi ah kut ungka ka hleih ba ci nei.

ATÜNNAK 38:9

Cun ung phi Onan naw aphäi ah chu cu a hta law ung, a hta ah kä kyak khai ah hmat neta, a phäi ah chu awn ani ng’yaw yah ung a patui cu akpung ah m’hlawi ci. Cun ah kya ne a phäi cu kä ng’shon sak ci.