RUT 4:1 - Cho Bible Common Language 2016

¹ Boaz cu gawnu m’kawt pei ng’hmuh nak ahhmun ung hteit ne ngok ci. Elimelek ah mätyah ang een pi, Boaz ah pyen ah chang cu law khäta, Boaz naw khü ne, “Ka teihpüi aw, shin ung law ne ngo law ä” cik ci. Cun ah kyasei ani law ne ngo law tuk ci.

RUT 4:1 Referans Kwoze

RUT 3:12

Na pyen cu hman ci, kei cu na mätyah akcang, ning m’htei khai ah chang ah ka kyak ci. Cun ung phi kei ah mä ng’en tuba ciah pami tumat om ci.

THULÄÄN NAK 25:7

Cun ung phi sik ciah anau naw kä ak chu nak tuba hlü ah a kyak ung ani naw gawnu ang vai gui ah hteit ne a pyen vai cu, ‘Ka cei ah nau naw abi vai cu kä bik ci, ani naw Israel chang ah ng’lung ah a phäi ang shon sak vai cu mak ci nei.’

THULÄÄN NAK 16:18

“Bawipa nami Khanpughi naw a ning pek gui ah gawnu päng ung suki gui la a hei ng’vai gui nami m’düih gui vai. Shin ah chang gui naw chang gui cu kä m’khoi hnga ne m’khoichak khai gui.

AMOS 5:15

Akshe gen vai, akni m’hni vai, man m’kawt ung dangh ciah taga nak nami hmuh vai. Pawih ba ne ghing ne ciah pakhui chang gui cu Bawipa naw chimgein nei gui hman khai nei.

JOB 31:21

Kei naw yung ung ka näng khai cine ngai ne Hmeihta tumat cu ka m’hleei ah a kyak ung,

JOB 29:7

Mang gaw ung ang vaihta gui awn kami ng’hmuh law ung, ami ng’lung ah kei cu ka ngo man ci.

THULÄÄN NAK 21:19

A nupa gui naw ani cu a om nak ah gawnu ung ang vai gui ah ma ah hteh püi u ne yung ung ami ng’düih sak vai.

ZEKHARIAH 2:6

Bawipa naw a hang gui am, “Kei naw khaw ng’nü ung ka ning püi sak gui ci, cun ung phi tuhbäi nang chang k’dawng gui, Babilonia ah ka gawt law ne, Jerusalem ah nami law ba ci.

ISAIAH 55:1

Bawipa naw pyen ci, “Tui gha ciah chang nü law vä — shin ung tui om ci nei! Ngui kä tak ciah chang gui law vä — htam’guh khleih ne ei law vä! Law vä! Wine la suktui khleih vä — nang ung a i phi kä ng’pyi khai nei!

THULÄÄN NAK 17:5

Cun ah chang cu la ne gawnu ah hteh püi neta, lung awn vawi ne nami ngawn vai.

ATÜNNAK 23:10

Ephron amät cu Hittit chang gui awn a täng ah mang m’kawt pei ah ngok ci kya neta, ani naw chang avan ah ng’yak vai ah,

ATÜNNAK 34:20

Hamora la a hta Shekhem naw, ng’hmuh teng nak ah hmun, mang gaw m’kawt ung hteit ni neta, ami chang paw gui ah ma ah ng’thu ani pyen cu;

JOSHUA 20:4

Ani cu shin ah mang gaw tumat mat ung dawng hning ci, mang gaw m’kawt valuh nak ah m’khoicha nak ung hteit ne, amawng ma cu angvai gui am am thein gui vai. Cun ung ngami naw mang gaw kyong ah luh püi u ne, a om ak vai ah hmun pek khai gui, ani acun ung om hning ci.

RUT 3:18

Naomi naw ani am, “Ruth, tuhbäi m’lung sau ne na om vai, a i ah a mawng kä a ng’hlan law ba ah chuih na om vai, shin ah mawng kä a bi yawp pha ah chuih Boaz cu kä ng’düm khai nei” cik ci.

2 SAMUEL 15:2

Ani cu khaw ngawi hta ah let law ne hteit ne mang gaw m’kawt lam ung ng’düi ci. A i yah ung phi ang cuhcan nak om ciah chang tumat mat law ne ghangpughang am, am thein hlü ah akiak ung, Absalom naw ana khü neta, a hawi ka a law ah ng’shik ci. Cun ah chang naw ani a i pakhui ungka lawk ciah am thein kawn ah,

2 SHONTÄP NAK 18:9

Ghangpughang goi cu ani mang sui sui ni ne, Samaria m’kawt ah akpung, htang m’häi hmun ung ani mangkiang ung ngok ci goi. Prophet gui ami van cu ani ma ung ngo u ne ng’cängbang ci gui.

SAM 69:12

Ngami naw lam lung ungka mawng pyen u ne, awktat ci gui naw na ng’äi ci gui.

NG'THU K'THUUK~ 31:23

Ani ah cei cu van naw hmat ci, kho chang ung ng’vaihta ciah kyak ci.

JEREMIAH 32:10

Kei naw cagu ne saksi ah ma ah gune m’hnüt neta, ngui cu khin ne ka pek ci.

ATÜNNAK 19:1

Cun ah mühun ung khankho chang hnih cu Sodam gawnu ah gawk lawk ci goi. Lot cu gawnu m’kawt ung ngaw ne, ngami cu hmu goi netah, ng’düi law ne ana do goi ci. Ani cu ani ma ah kawp netah,