RUT 3:7 - Cho Bible Common Language 2016

⁷ Boaz cu ei aw yawp neta, aknep ah ip ci. Ani cu htang pum ah pei ah hteit ne ng’yän ne ip ci. Ruth cu adüm ah ang ghit ah hteit ne a yih khuih m’hü neta a khaw pei ah ng’yän ci.

RUT 3:7 Referans Kwoze

ESTA 1:10

Mang ei pawi ah a hnüüp chih hnüüp ung ghangpughang cu ei aw ne yeikyai ci. Cun ah kyasei ani naw amät ah changshäm sing chih; Mehuman, Biztha, Harbona, Biktha, Abagtha, Zethar, la Karkas gui cu khü gui ci.

SUKI GUI 19:6

Cun ah kyasei chang hnih cu ngo ni ne, a täng ah ei awk ci goi. Cun kawn ah hnumi hta ah pa naw, “Mü ä tip ba ne lün lawi ba cang ä” cik ci.

2 SAMUEL 13:28

Achangshäm gui cu m’cäi gui ne, “Nami geing nak vai, Ammon naw akdäm a awk law ung, ka ning khü gui khai, nami ngawn vai, kä nami kyih vai. Kei naw ka mät ah bi vai cu ka bik khai. Nami nget vai, kä nami kut ng’gin vai!” cine m’cäi gui ci.

SUKI GUI 19:9

Cun ah chang la ak chuba ni, ak changshäm ni cu hteit ba khai gui ah pawng ba ci gui, ami pa naw pyen ba mä ne, “Teng ä, khaw mü hun law pyi ci nei; mü ät om b cang ä. Khaw hmüp law ge ci nei, shin ung om ba ne, akhin ah ip tu ba cang ä. Ngami ung khaw ngawi hta ng’dawt ah let law ne, na hteh ba ung bä khai nei” cik ci.

THUSHÄUTU 10:19

Ei ah pawi naw ning yei sak ci, awk ah pawi naw ning yei sak ci, cun ung phi ngui kä a om ung cun kä na bi hning khai.

THUSHÄUTU 9:7

Cun ah kyasei, na buh ei ne yeikyai ä, na sapyit tui aw ne lünlawi ä. Cun cu Khanpughi ung bä ci nei.

THUSHÄUTU 8:15

Cun ah kyasei kei naw ka hmat ci, chang mikmi cu mi yeikyai vai ah kyak ci, a i ah kyasei ci ung, mi ghin sang ung na yei sak cicu ei la, awk la, amät ah yeikyai nak ah kyak ci. Shin ah m’dek khan ung, Khanpughi naw a pek ah a ghin nak ung mikmi naw bilo lä aih ci kyasei mikmi naw shin hlawk ah läi cu bi hning ci.

THUSHÄUTU 2:24

Chang tumat naw akni pikbäih abi hning cu ei vai, awk vai, gah tang ah khawh cham awn yeikyai vai ah kyak ci. Cun ung phi cun gui avan cu Khanpughi ung ka lawk ciah kei naw ka hmat ci.

SAM 104:15

Chang cu a pyan ah sing theih tui naw yei sak ne, situi naw hmai kyang sak ci, m’htut naw thagui pek ci.

1 KORIN 10:31

Nangmi cu nami ei ung phi, nami awk ung phi, a i nami bilawh ung phi, Khanpughi ah bämang nak ah hmawk ah nami bi vai.

1 GHANGPUGHANG GUI 21:7

Jezebela naw, “Nang cu ghangpughang ah kä na kya ne ang? Ih phak ungka tho law ne, yeikyai ne, ei ei ä, Naboth ah sapyitduum cu kei naw ka gah khai nei!” cik ci.

SUKI GUI 19:22

Ngami cu ami lüilawi tu yah ung cun ah gawnu ung htukhtik ciah chang gui cu, im veing u ne, shoh kauh ci gui. Ngami naw a ghipa nu am, “Na khah law püi ah chang cä, na pek gui ä! Ani awn kami ng’yaw hlük ci nei!” cik ci gui.

ATÜNNAK 43:34

Buh cu Joseph ah tawnglang ungka lawh gui ci gui. Benjamin cu a phäi gui ah ta a hma ah däm pi khai ah pek ci gui. Ngami cu Joseph awn a täng ah ei aw ne yeikyai ci gui.

EPHESIAN 5:18

Ning m’gämce sak gui khai ah yu cu kä nami awktat vai, Mumcha awn nami kümbe vai nei.

RUT 3:6

Cun kawn ah Ruth cu htang m’häi nak ah hteit neta, a cei ah nu ah m’cäi ah mäih ah bik ci.

RUT 3:8

Khawmü sangung ani cu akten ah ng’shüm law ba ne, ng’hlat law ne, a khaw pei ah ip ciah hnumi cu hmu law neta,